ДУШАНБЕ, 15.12.2021 /АМИТ «Ховар»/. Тибқи иттилои Агентии обуҳавошиносии мамлакат 17-18 декабр дар ноҳияҳои кӯҳӣ ва ағбаҳо фаромадани туман дар назар аст. Дар робита ба ин, Кумитаи ҳолатҳои фавқулода ва мудофиаи гражданӣ бо мақсади пешгирии ҳодисаҳои нохуш ба сокинон ва меҳмонон  якчанд тавсияҳоро пешниҳод менамояд, хабар медиҳад АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон.

КҲФ тавсия медиҳад, ки туман боиси чунин хатарҳо, аз қабили нонамоён будан, монеъ шудан ба ҳаракат дар роҳу нақлиёт ва афзоиши эҳтимолии садамаҳои нақлиётӣ шуда метавонад.

Барои он ки одамон худро ҳангоми туман то ҳадди имкон муҳофизат намоянд, пеш аз ҳама:

— шахсони гирифтори бемориҳои дилу раг ва нафастангӣ аз берун баромадан худдорӣ намоянд;

— пиёдагардон ҳангоми аз кӯчаю роҳҳо гузаштан бояд ниҳоят эхтиёткор бошанд;

— ронандагони воситаҳои наклиёт суръати ҳаракатро кам карда, қоидаҳои ҳаракатро катъиян риоя кунанд;

-эҳтиёт бошанд, суръати ҳаракати  аз меъёр зиёдеро, ки  обу ҳаво ва шароити роҳ имкон намедиҳад, баланд накунанд;

-Дар чорроҳаҳо ва гузаргоҳҳои пиёдагард зиракӣ зоҳир намоянд;

— суръати харакатро бо назардошти шиддат, хусусият ва ҳолати воситаҳои нақлиёт ва бор, роҳ ва шароити табиӣ, аз ҷумла, намоён будани самти ҳаракат риоя кунанд.

КҲФ хотиррасон мекунад: набояд фаромӯш кард, ки туман барои ҳамаи истифодабарандагони роҳ хатар дорад.

Бодиққат  ва эҳтиёт бошед! Рақами ягона барои ёрӣ ва наҷотдиҳӣ: 112, шуъбаи изтирории КҲФ: 93 880 28 19, 223 13

АКС аз бойгонии АМИТ «Ховар»