Форуми сеюми илмии донишҷӯёни муассисаҳои таҳсилоти миёнаи касбӣ ва олии соҳаи сайёҳии Тоҷикистон доир гардид

Декабрь 24, 2021 14:30

ДУШАНБЕ, 24.12.2021 /АМИТ «Ховар»/. Имрӯз дар шаҳри Душанбе бо ташаббуси Кумитаи рушди сайёҳии назди Ҳукумати Ҷумҳурии Тоҷикистон бахшида ба Солҳои рушди деҳот, сайёҳӣ ва ҳунарҳои мардумӣ таҳти унвони «Имкониятҳои рушди сайёҳии Ҷумҳурии Тоҷикистон: ҳолат ва дурнамо» Форуми сеюми илмии донишҷӯёни муассисаҳои таҳсилоти миёнаи касбӣ ва олии соҳаи сайёҳии мамлакат баргузор гардид, хабар медиҳад АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон.

Зимни ифтитоҳи форум роҳбарияти Кумитаи рушди сайёҳӣ, вазорату идораҳо ва дигар муассисаҳои олии таълимӣ сухан гуфта, андешаҳои худро оид ба раванди таҳсил, омодасозии мутахассисони ҳирфаӣ дар соҳаи сайёҳӣ иброз доштанд.

Дар даврони соҳибистиқлолӣ эълон гардидани соли 2018 Соли рушди сайёҳӣ ва ҳунарҳои мардумӣ ва солҳои 2019-2021- Солҳои рушди деҳот, сайёҳӣ ва ҳунарҳои мардумӣ бори дигар аз сиёсати созанда ва дурбинонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон шаҳодат медиҳад, ки дар заминаи он Тоҷикистон ба маҷрои нави созандагиву ободонӣ ва пешрафти комил дар ҳамаи соҳаҳои ҳаёти ҷомеа, аз ҷумла сайёҳӣ ноил гардид.

Бо мақсади рақобатпазир будан дар бозори ҷаҳонии сайёҳӣ омода кардани мутахассисони донандаи забон, фарҳанг, таърих ва технологияҳои муосир, такмили ихтисос ва тақвияти неруи инсонӣ, аз ҷумла идоракунии ширкатҳои сайёҳӣ, меҳмонхонадорӣ, тарабхонадорӣ, роҳбаладон, тарҷумонҳо ва маркетологҳо дар сатҳи байналмилалӣ зарур аст.

Тибқи таҷрибаи байналмилалӣ, дар донишгоҳу донишкадаҳои бахши сайёҳии кишварҳои хориҷӣ дарсҳои назариявӣ ва амалӣ баробар тақсим шуда, донишҳои ба таври назариявӣ азхудкарда дар амалия таҷриба карда мешаванд. Ҷорӣ намудани таҷрибаи мазкур дар муассисаҳои олии таълимии ҷумҳурӣ имрӯз мувофиқи мақсад дониста мешавад.

Яке аз талаботи муҳими фаъолият дар ҳамаи риштаҳои соҳаи сайёҳӣ, аз ҷумла роҳбари ширкат, роҳбалад, маркетолог ва пайдо намудани бозорҳои нави сайёҳӣ, ходими меҳмонхона, ходими тарабхона ва дигар самтҳо донистани забонҳои хориҷӣ мебошад, ки ин талабот бояд қонеъкунанда бошад.

Тибқи Стратегияи рушди сайёҳӣ дар Ҷумҳурии Тоҷикистон барои давраи то соли 2030 барои пурра роҳандозӣ намудани тамоми иқтидорҳо, неруи кадрӣ, донишҳои назариявию амалӣ ва дар маҷмуъ омода намудани кадрҳои болаёқати соҳаи сайёҳӣ таклифҳои мушаххас ироа гардиданд, ки бо тартиби муқарраргардида марҳила ба марҳила амалӣ карда мешаванд.

Ҳамзамон дар доираи Форум силсилаозмунҳо, аз ҷумла намоиши беҳтарини сайёҳӣ ва ҳунарҳои мардумӣ, нақшаи беҳтарини тиҷоратӣ, мақолаи беҳтарин ва рӯнамои беҳтарин ташкил ва ҷамъбаст гардид.

Ғолибон бо диплому сипосномаҳои Кумитаи рушди сайёҳӣ сарфароз гардонида шуданд.

Баргузории форум ба такмили қобилияти таҳлилӣ ва таҳқиқии ҷавонони муҳассил дар самти сайёҳӣ ва арзёбии андешаҳои онҳо перомуни рушди соҳаи сайёҳӣ дар кишвар мусоидат менамояд.

 АКСҲО: Кумитаи рушди сайёҳии назди ҲҶТ

Декабрь 24, 2021 14:30

Хабарҳои дигари ин бахш

ДАР ПАРТАВИ ҲИДОЯТҲОИ ПЕШВОИ МИЛЛАТ. Дар Тоҷикистон ба 300 оила кумаки башардӯстона расонида шуд
Сокинони деҳаи Гожаки ноҳияи Шуғнон соҳиби нуқтаи оби тозаи нӯшокӣ шуданд
БРИТАНИЯИ КАБИР БА ҶАЛБИ ҚУВВАИ КОРӢ АЗ ТОҶИКИСТОН ОМОДА АСТ. Имсол 500 нафар шаҳрвандони Тоҷикистон ба Британияи Кабир сафарбар мегарданд
Дар Агентии хизмати давлатӣ масъалаи пардохти музди меҳнати хизматчиён ҳангоми таҳсил баррасӣ гардид
ШАҲРИ ЗЕБОИ МАН. Милитсияи Хатлон ба истиқболи 35-солагии Истиқлоли давлатӣ ба бунёдкорӣ иқдом гирифт
САЙЁҲИИ МОҲИДОРӢ-САМТИ АФЗАЛИЯТНОК. Дар Тоҷикистон туризми шикори моҳӣ тавассути хатсайрҳо ба роҳ монда мешавад
«МАКТАБИ СИЁСИИ ПЕШВОИ МИЛЛАТ». Таҳти ин унвон дар шаҳри Бохтар конференсияи байналмилалии илмӣ-амалӣ доир мегардад
ХУРОФОТ ҶАҲОЛАТ АСТ. Дар ҷамоатҳои шаҳри Исфара бо сокинон оид ба хатари таассуб мулоқот доир шуд
Охири моҳи апрел ва аввали май Тоҷикистонро ҳавои номусоид интизор аст. Таъсири он ба соҳаи кишоварзӣ чӣ гуна аст?
Дар Душанбе бо иштироки роҳбарону намояндагони ширкатҳои сайёҳии Тоҷикистон ҳамоиш доир гардид
Дар якчанд минтақаҳои Тоҷикистон корҳои безараргардонии жола анҷом ёфтанд
«ДӮСТ ОЯД ГАРМ ДАР ОҒӮШ ГИР!». Дар Тоҷикистон аввалин меҳмонии ҷавонони ҷумҳурӣ дар минтақаҳо оғоз шуд