Ҳиндустон ба Тоҷикистон кумаки грантӣ мерасонад

Декабрь 17, 2021 15:02

ДУШАНБЕ, 17.12.2021 /АМИТ«Ховар»/. Тоҷикистон ва Ҳиндустон барои амалишавии  лоиҳаҳо дар заминаи рушди иҷтимоӣ ёддошти тафоҳум ба имзо расониданд. Созишномаи миёни ду кишвар ба маблағи 1,5 миллион доллар ҷудо гардидани грантҳо аз ҷониби Ҳукумати Ҳиндустонро барои татбиқи  лоиҳаҳои хеле самараноки рушди ҷомеа пешбинӣ мекунад.

Ба ҳуҷҷат Вазири молияи Тоҷикистон Файзиддин Қаҳҳорзода ва Сафири Фавқулода ва Мухтори Ҳиндустон дар Душанбе Вираҷ Сингх имзо карданд (ДАР АКС).

Бар асоси созишнома, Вазорати молияи Тоҷикистон лоиҳаҳоеро барои иҷро пешниҳод мекунад, ки арзиши онҳо аз 16,94 миллион сомонӣ (ҳудуди 1,5 миллион доллар) зиёд нест.

Лоиҳаҳо ба рушди иҷтимоию иқтисодӣ, тавсеаи ҳуқуқу имконоти занон ва ҳифзи кӯдакон нигаронида шудаанд.

Алалхусус, дар самтҳои таълим, тандурустӣ, омодасозии касбӣ, кишоварзӣ ва агросаноатӣ, обёрӣ, энергияҳои барқароршаванда, бахшҳои энергетика, савдо, нақлиёт ва алоқа инфрасохторҳо бунёд мешаванд.

Дар доираи мулоқот тарафҳо  инчунин як лоиҳаи дигари Ҳиндустонро баррасӣ намуданд, ки тибқи он Ҳиндустон аз маҳаллаи Чортут то гардиши Айнӣ дар Душанбе шоҳроҳи 8-хатта бунёд мекунад. Арзиши тахминии лоиҳа 17,54 миллион доллари маблағҳои грантиро ташкил медиҳад. Ҳоло ҳудуди 35 дарсади корҳо ба анҷом расида, 65 фоизи боқимонда бояд то моҳи октябри соли 2022 ба анҷом расанд.

Ёдовар мешавем, ки моҳи марти соли ҷорӣ мулоқоти Президенти Ҷумҳурии Тоҷикистон Эмомалӣ Раҳмон бо Роҳбари Вазорати корҳои хориҷии Ҳиндустон Субраманям Ҷайшанкар доир гардид, ки барои ширкат дар конфронси 9-уми «Қалби Осиё — раванди Истанбул» дар Душанбе қарор дошт.

Тавре АМИТ «Ховар» хабар дода буд, ҷонибҳо вазъ ва дурнамои ҳамкории Тоҷикистон ва Ҳиндустонро дар бахшҳои сиёсӣ, иқтисодӣ, тиҷоратӣ, фарҳангӣ, гуманитарӣ ва дигар самтҳо баррасӣ намуданд. Ҷонибҳо дар мавриди афзоиши фаъолияти сармоягузорӣ ва соҳибкорӣ миёни кишварҳо, ҳамчунин таҳияи тарҳҳои тиҷоратӣ ва истеҳсолӣ ба мувофиқа расиданд. Аз ҷумла, дурнамои ҳамкорӣ дар бахшҳои энергетика, кишоварзӣ, нақлиёт ва тиб низ баррасӣ гардид.

АКС: Вазорати молияи ҶТ

Декабрь 17, 2021 15:02

Хабарҳои дигари ин бахш

Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад