Куҳансолтарин ходими сиёсии Тоҷикистон Низорамо Зарипова: «Дилпурем, ки давлату Ҳукумати мамлакат пушту паноҳи мост»
ДУШАНБЕ, 30.12.2021. /АМИТ «Ховар»/. Чун анъана дар арафаи Соли нави мелодӣ кормандони мақомоти иҷроияи ҳокимияти давлатии ноҳияи Исмоили Сомонии шаҳри Душанбе ба аёдати собиқадорони ҷангу меҳнат ва ходимони сиёсӣ рафта, онҳоро бо фарорасии соли 2022 табрик намуданд. Аз ҷумла, муовини раиси ноҳияи Исмоили Сомонӣ Наргис Шарифзода ба хонаи куҳансолтарин ходими сиёсӣ Низорамо Зарипова ва генералбонуи сиёсатмадор Раъно Каримова рафта, ба онҳо табрикоти солинавии роҳбарияти шаҳри Душанбе ва ноҳияи Исмоили Сомониро расонид.
Тавре аз мақомоти иҷроияи ҳокимияти давлатии ноҳияи Исмоили Сомонӣ ба АМИТ «Ховар» хабар доданд, дар пайравӣ ба ҳидоятҳои инсонпарваронаи Пешвоои миллат муҳтарам Эмомалӣ Раҳмон ва супоришҳои Раиси шаҳри Душанбе Рустами Эмомалӣ кормандони масъули ноҳияи Исмоили Сомонӣ ва дигар ноҳияҳои пойтахт дар арафаи тамоми ҷашну идҳо ба аёдати собиқадорони ҷангу меҳнат ва ходимони сиёсии ноҳия рафта, бо вазъи зиндагии онҳо шинос шуда, барояшон кумакҳои моддию маънавӣ мерасонанд.
Низорамо Зарипова ва Раъно Каримова аз чунин ғамхории давлату Хукумат, бахусус Сарвари давлат муҳтарам Эмомалӣ Раҳмон ва Раиси шаҳри Душанбе Рустами Эмомалӣ нисбат ба насли калонсол, нафарони хизматнишондода ва шахсони ниёзманд изҳори хушнудӣ ва сипос намуданд.
«Барои мо кумаки молию пулӣ муҳим нест. Мо аз он шодем, ки хизматҳои моро фаромӯшамон накардаанд ва аз ин қадрдонӣ сарфароз гашта, дилпурем, ки давлату Хукумати мамлакат пушту паноҳи мо мебошад», — гуфтанд онҳо.
Ёдовар мешавем, ки дар пайравӣ ба ташаббусу иқдомҳои инсондӯстона ва хайрхоҳонаи Пешвои миллат чун анъана аз ҷониби Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар рӯзҳои охири соли 2021 ва фарорасии соли нави мелодии 2022 ба зиёда аз 11 ҳазор нафар, аз ҷумлаи ятимони кулл, маъюбон, шахсони яккаву танҳо, дардмандону бепарасторон, оилаҳои ниёзманд ва кормандони раёсатҳои истифодабарии роҳҳои пойтахти мамлакат кумакҳои моддӣ ва туҳфаҳои идона тақдим карда шуданд,
АКСҲО: мақомоти иҷроияи ҳокимияти давлатии ноҳияи Исмоили Сомонӣ
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
