Кумитаи давлатии идораи замин ва геодезӣ ба қисми ҳарбии ноҳияи Шамсиддини Шоҳин туҳфаҳои солинавӣ ва маводи озуқаворӣ расонид
ДУШАНБЕ, 28.12.2021 /АМИТ «Ховар»/. Бахшида ба Рӯзи кормандони мақомоти амнияти миллӣ, ки ҳамасола 28 декабр ҷашн гирифта мешавад ва Соли нави мелодӣ аз ҷониби Кумитаи давлатии идораи замин ва геодезии Ҷумҳурии Тоҷикистон ба кисми ҳарбии ноҳияи Шамсиддини Шоҳини вилояти Хатлон, ки хифзи як қисми сарҳади давлатӣ ба зиммаи онҳо вогузор шудааст, кумаки моддӣ ва туҳфаҳои идона расонида шуданд.
Кумак аз маводи ғизоӣ, аз ҷумла орд, макарон, сабзӣ, пиёз ва ғайра иборат буда, инчунин барои хизматчиёни ҳарбӣ дастархони идона ороста шуда, туҳфаҳои солинавӣ тақдим шуданд.
Раиси Кумитаи давлатии идораи замин ва геодезии Ҷумҳурии Тоҷикистон Ориф Ҳоҷазода дар суҳбат бо афсарону сарбозони қисми ҳарбӣ вобаста ба таваҷҷуҳи доимӣ ва ғамхориҳои пайвастаи Президенти Ҷумҳурии Тоҷикистон сухан намуда, дар иҷрои вазифаҳои пуршарафи хизматӣ барору комёбиҳо таманно намуд.
Афсарону сарбозон ваъда доданд, ки ҷавобан ба ғамхориҳои давлату Ҳукумати мамлакат содиқона хизмат намуда, сарҳади давлатиро муҳофизат менамоянд.
АКСҲО: Кумитаи давлатии идораи замин ва геодезӣ
Имрӯз дар шаҳри Душанбе ҳаво то 23 дараҷа гарм мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
