Миёни соҳибкорони вилоятҳои Суғди Тоҷикистон ва Могилёви Беларус 15 созишномаи ҳамкорӣ ба имзо расид
ДУШАНБЕ, 06.12.2021 /АМИТ «Ховар»/. 4 декабр миёни соҳибкорони вилояти Суғди Ҷумҳурии Тоҷикистон ва Могилёви Ҷумҳурии Беларус барои таҳкими равобити дуҷониба 15 созишномаи ҳамкорӣ ба имзо расид, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Дар маросими баимзорасонии созишнома муовини Раиси вилояти Суғд Анвар Яъқубӣ ва муовини Раиси вилояти Могилёв Руслан Страхар ширкат варзиданд.
Чанде пеш намояндагони вилояти Могилёв таҳти роҳбарии муовини Раиси Комиҷроияи вилояти Могилёви Ҷумҳурии Беларус Руслан Страхар дар доираи сафари корӣ ба шаҳри Истаравшани вилояти Суғд омаданд.
Меҳмононро дар даромадгоҳи шаҳр Раиси шаҳри Истаравшан Адҳам Маъмурзода ва масъулини мақомоти иҷроияи ҳокимияти давлатии шаҳр бо расму оинҳои миллӣ ва меҳмоннавозии хос пешвоз гирифта, дар боздидҳо онҳоро ҳамроҳӣ намуданд.
Меҳмонон нахуст аз намоиши ҳунарҳои мардумӣ, либосҳои миллии тарроҳони чирадаст ва маҳсули дасти донишҷӯёни Коллеҷи ҳунарҳои мардумии шаҳри Истаравшан дидан намуда, ба ҳунару маҳорат ва малакаи касбии онҳо баҳои баланд доданд.
Дар идома соҳибкорони вилояти Могилёв аз раванди истеҳсолот дар корхонаҳои саноатии Ҷамъияти саҳомии пӯшидаи «Оби Зулол», Ҷамъияти дорои масъулияти маҳдуди «Адл» боздид намуда, бо маҳсулоти истеҳсолнамудаи корхонаи саноатии «Ноҳид» шинос шуданд.
Ҷонибҳо доир ба имконияти мавҷудаи иқтисодиву тиҷоратӣ мубодилаи афкор намуда, рағбати худро ба фаъолсозӣ ва таҳкими ҳамкории дуҷониба дар самтҳои гуногун баён карданд.
АКСҲО аз маркази матбуоти раиси шаҳри Истаравшан
Душанбе моҳи август мизбони «Food industry Forum of Tajikistan-2026» мегардад
Намояндагони Тоҷикистон дар Форуми умумиҷаҳонии шаҳрҳо дар Боку иштирок намуданд
Ҳаҷми умумии ҳамлу нақл байни Тоҷикистон ва Қазоқистон 5,8 фоиз афзудааст
ТАВАҶҶУҲ! Интиқоли одии маблағ байни аъзои оила, дӯстон, наздикон ва дигар шаҳрвандон тавассути ҳамёнҳои электронӣ андозбандӣ намегардад!
Дар ҶДММ «Саноати Ашт» хатҳои нави истеҳсолӣ васлу насб гардиданд
СОЛИ БАЙНАЛМИЛАЛИИ ЗАНОНИ ХОҶАГИДОР. Дар Тоҷикистон беш аз 52 ҳазор хоҷагии деҳқониро занон роҳбарӣ менамоянд
Кишоварзони ноҳияи Кӯшониён дар беш аз 10 ҳазор гектар пунбадона кишт намудаанд
Мулоқоти роҳбарони Комиссияи байниҳукуматӣ оид ба ҳамкории иқтисодӣ байни Тоҷикистон ва Русия баргузор шуд
Тоҷикистон ва Миср дар соҳаи авиатсияи гражданӣ Ёддошти тафоҳуми ҳамкорӣ ба имзо расониданд
Иштирокдорони Конфронси Созмони озуқаворӣ ва кишоварзӣ бо низоми кишоварзии нодири дараи Алмосӣ — гӯсфанди зоти ҳисорӣ ва ангури тоифӣ шинос шуданд
Дар Душанбе Намоишгоҳи байналмилалии молҳо ва хизматрасонӣ барои саломатӣ ва зебоӣ доир мешавад
Ҳамкории Тоҷикистон ва Беларус дар самти сохтмон ва меъморӣ густариш меёбад
