Музаффар Ашӯриён ва Ҷон Марк Поммершайм барномаҳои ёрии ҳуқуқиро баррасӣ намуданд

ДУШАНБЕ,  17.12.2021. /АМИТ «Ховар»/. Дар Душанбе мулоқоти Вазири адлияи Ҷумҳурии Тоҷикистон Музаффар Ашуриён бо Сафири Фавқулода ва Мухтори Иёлоти Муттаҳидаи Амрико дар Ҷумҳурии Тоҷикистон Ҷон Марк Поммершайм  баргузор гардид, ки ҳадафи он аз шиносоӣ, муҳокимаи самтҳои ҳамкории мутақобила, баррасии барномаҳои ёрии ҳуқуқӣ ва таҳкими муҳити ҳуқуқӣ, ки дар ҳамкорӣ бо Вазорати адлия амалӣ карда мешаванд, иборат буд,  хабар доданд аз Вазорати адлия ба АМИТ «Ховар».

Зимни мулоқот Вазири адлия вобаста ба ҳамкории дуҷониба маълумот дода, дар бораи самтҳои нави ҳамкорӣ ва ташаббусҳое, ки дар самти фаъолияти мақомоти адлия пешбинӣ гардидаанд, изҳори назар намуд.

Сафири Фавқулода ва Мухтори Иёлоти Муттаҳидаи Амрико иброз дошт, ки пешниҳодҳо қобили қабул буда, Сафорат онҳоро дастгирӣ менамояд.

Вохӯрии мазкур дар фазои дӯстона баргузор гардида, ба раванди амалинамоии ҳамкории мутақобила дар оянда такони ҷиддӣ мебахшад.

АКС: Вазорати адлия