Соҳибкорони Хатлон 1617 адад иншоот сохта мавриди истифода қарор доданд
ДУШАНБЕ, 24.12.2021. /АМИТ «Ховар»/. Аз ҷониби соҳибкорони бурунмарзӣ дар доираи ҷашни 30-солагии Истиқлолияти давлатии Ҷумҳурии Тоҷикистон дар вилояти Хатлон 1617 адад иншоот сохта мавриди истифода қарор дода шудааст, ки дар ин замина 2523 ҷойи нави корӣ ташкил гардидааст. Дар ин бора зимни иҷлосияи нуҳуми Маҷлиси вакилони халқи вилояти Хатлон, даъвати шашум, ки 23 декабр таҳти раёсати раиси вилоят, раиси Маҷлиси вакилони халқи вилояти Хатлон Қурбон Ҳакимзода доир гардид, иттилоъ дода шуд.
Зикр гардид, ки бо мақсади ҷалби бештари соҳибкорони бурунмарзӣ ба ҳалли масъалаҳои иқтисодию иҷтимоӣ дар маҳалҳо, аз ҷумла бунёди иншооти гуногуни истеҳсолию иҷтимоӣ, таҷдид ва бунёди инфрасохтори мавҷуда, инноватсионӣ-саноатӣ, таъсиси ҷойҳои нави кории мутобиқ ба стандартҳои байналмилалӣ тадбирҳои зарурӣ андешида мешаванд.
«Дар давоми ду моҳ (сентябр – октябри соли 2021) Пешвои миллат муҳтарам Эмомалӣ Раҳмон ба 10 шаҳру ноҳияи вилоят бо сафари корӣ ташриф оварда, бо иштироки бевоситаи он кас зиёда аз 60 иншооти истеҳсолию ғайриистеҳсолӣ ба истифода дода шуданд. Дар маҷмӯъ, давоми соли 2021 169 иншоот бо иштироки Пешвои миллат ва зиёда аз 120 адад дар доираи сафар бо иштироки ҳайати ҳамроҳон мавриди баҳрабардорӣ қарор дода шуданд, ки ба рушди иҷтимоию иқтисодии вилоят мусоидат карда, аз ҷониби дигар ба ҳусни шаҳру ноҳияҳо зебоии хоса зам намудаанд», — ёдоварӣ шуд дар иҷлосияи нуҳуми Маҷлиси вакилони халқи вилояти Хатлон.
Аксҳо аз мақомоти ичроияи ҳокимияти давлатии вилояти Хатлон
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Ҳамкории Тоҷикистон ва Қирғизистон дар самтҳои тиҷорат, нақлиёт, сармоягузорӣ ва логистика густариш меёбад
Таҳкими ҳамкории Тоҷикистон бо ширкати «Smart Villages» -и Миср дар соҳаи инноватсия баррасӣ гардид
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
