Тоҷикистон ба бандарҳои баҳрии Осиёи Ҷанубу Шарқӣ мебарояд
ДУШАНБЕ, 22.12.2021 /АМИТ «Ховар»/. Акнун интиқоли молҳои воридотӣ аз Ҷопон, Корея, Сингапур ва дигар кишварҳои Осиё тавассути Покистон дастрастар мешавад. Дар ин бора Вазири нақлиёти Тоҷикистон Азим Иброҳим 15 декабр дар иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати шашум зимни баррасии Созишнома миёни Ҳукумати Ҷумҳурии Тоҷикистон ва Ҳукумати Ҷумҳурии Исломии Покистон оид ба ҳамлу нақли байналмилалии автомобилӣ зикр намуд, хабар медиҳад АМИТ «Ховар».
Ба гуфтаи вазир, акнун Тоҷикистон дар самти ҳамлу нақли бор бартариҳои изофӣ дорад. Ӯ инчунин имконотеро, ки санади ҳамлу нақли байналмилалии автомобилӣ бо Покистон пешбинӣ кардааст, шарҳ дод.
Ба зикри ӯ, мақсади асосии созишнома пайдо намудани роҳҳои баромад ба бандарҳои баҳрӣ маҳсуб ёфта, аз тарафи дигар, ҷиҳати васеъ намудани ҷуғрофияи ҳамлу нақли байналмилалии автомобилӣ барои интиқолдиҳандагони ватанӣ мусоидат менамояд.
«Баромад ба бандарҳои баҳрӣ, аз ҷумла, бандарҳои Карочӣ ва Гвадари Покистон барои амалӣ намудани ҳамлу нақли мултимодалӣ ва пайвастшавӣ ба долони иқтисодии Чину Покистон мусоидат хоҳад кард», — тазаккур дод А. Иброҳим.
Бино ба маълумоти вазир, созишнома интиқоли техника, таҷҳизот ва қисмҳои эҳтиётию равғанҳои молиданиеро, ки аз Ҷопон, Малайзия, Сингапур ва Кореяи Ҷанубӣ ворид мегарданд, пешбинӣ менамояд.
А. Иброҳим зикр намуд, ки ин масир муҳимтарин роҳи алтернативии интиқоли борҳо аз худи Тоҷикистон ба кишварҳои Осиёи Ҷанубу Шарқӣ хоҳад шуд.
АКС: АМИТ «Ховар»
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
Масоили соҳаи роҳсозӣ ва роҳдорӣ дар Осиёи Марказӣ дар Конфронси панҷуми байналмилалии CARS-2026 дар Душанбе баррасӣ гардид
Ҳайати Тоҷикистон дар ҷаласаи Шурои ҳамоҳангсозии роҳбарони мақомоти тафтиши андозии кишварҳои аъзои ИДМ иштирок намуд
«Shohin Airlines» як ҳавопаймои навъи L-410-ро вориди парки ҳавопаймоҳояш намуд
Дар Брест ҷаласаи 83-юми Шурои роҳбарони хадамоти гумруки давлатҳои ИДМ баргузор гардид
Форуми «CAPIF-5» дар Душанбе ба таҳкими пайвастагии рақамӣ ва рушди ҳамкории интернетии Осиёи Марказӣ бахшида шуд
Файзиддин Қаҳҳорзода ва Лорд Ҷон Алдердайс самтҳои афзалиятноки соҳаҳои идоракунии молияи давлатӣ ва рақамикунониро баррасӣ намуданд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
