Зулфия Давлатзода: Коркарди номинаи «Ҳулбук-пойтахти Хатлони қадим» аз ҷониби мутахассисон ҷараён дорад
ДУШАНБЕ, 31.01.2022 /АМИТ «Ховар»/. Коркарди номинаи «Ҳулбук-пойтахти Хатлони қадим» аз ҷониби мутахассисони шуъбаи ҳифз ва истифодаи мероси таърихию фарҳангӣ дар якҷоягӣ бо ходимони илмии Академии миллии илмҳои Тоҷикистон ва Кумитаи давлатии идораи замин ва геодезӣ ба анҷом расида, ба Феҳристи умумиҷаҳонии ЮНЕСКО пешниҳод гардид. Дар ин бора имрӯз зимни нишасти матбуотӣ Вазири фарҳангии Ҷумҳурии Тоҷикистон Зулфия Давлатзода иттилоъ дод.
Зимни нишаст зикр шуд, ки дар ҳудуди Ҷумҳурии Тоҷикистон 7088 муассисаи фарҳангӣ, ба истиснои театрҳои касбӣ, муассисаҳои консертӣ, мамнӯъгоҳҳо, мактабҳои мусиқӣ, рассомӣ, сантъат ва муассисаҳои табъу нашр ба қайд гирифта шудаанд. Тибқи Феҳристи давлатии ёдгориҳои таърихию фарҳангии Ҷумҳурии Тоҷикистон дар мамлакат зиёда аз 3000 ёдгориҳои таърихию фарҳангии дараҷаи ҷуҳуриявӣ ва байналмилалӣ ба қайд гирифта шудаанд.
Зулфия Давлатзода дар ҷараёни нишаст ба саволҳои рӯзноманигорон доир ба омода гардидани «Дастурамали либосҳои мардона», баргузории рӯзҳои фарҳангии Тоҷикистон дар хориҷи мамлакат ва рӯзҳои фарҳангии дигар давлатҳо дар Тоҷикистон, ки давоми соли равон тасдиқи худро меёбанд, посух дод.
Сардори шуъбаи ҳифз ва истифодаи мероси таърихию фарҳангии Вазорати фарҳанги Ҷумҳурии Тоҷикистон Шералӣ Хоҷаев зикр намуд, ки номинаи мазкур аз рӯйи чор критерия таҳия шуда, сипас пешниҳод гардид. Соли равон он мавриди баррасӣ қарор гирифта, соли 2023 дар назар аст, ки номинаи «Ҳулбук-пойтахти Хатлони қадим» ба Феҳристи умумиҷаҳонии ЮНЕСКО номнавис гардад.
АКС аз АМИТ «Ховар»
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
Президенти Тоҷикистон: «Меҳргон бояд ба омили рушди фарҳанг, сайёҳӣ ва иқтисоди миллӣ табдил дода шавад»
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
Форуми байналмилалии «Ҳамкории муштараки киносозону продюсерон» ва нишасти матбуотӣ баргузор гардид
«ЗАБОНИ МО – ҶАҲОНИ МО». Анҷумани сеюми забоншиносони давлатҳои ҳамзабону ҳамфарҳанг доир шуд
Иштирокдорони Анҷумани сеюми забоншиносони ҷаҳон бо осори таърихию фарҳангии Осорхонаи миллии Тоҷикистон шинос шуданд
Пагоҳ дар Тоҷикистон Иди Меҳргон таҷлил мегардад
Дар Душанбе Рӯзҳои кинои Эрон оғоз гардиданд
ИМРӮЗ–РӮЗИ КИНОИ ТОҶИК. Аз соли 1991 то соли 2025 дар маҷмуъ 313 филм ба навор гирифта шудааст
