«Амонатбонк» дар доираи Солҳои рушди деҳот, сайёҳӣ ва ҳунарҳои мардумӣ 16,5 миллион сомонӣ қарз пешниҳод намудааст
ДУШАНБЕ, 26.01.2022 /АМИТ «Ховар»/. Бонки давлатии амонатгузории Ҷумҳурии Тоҷикистон «Амонатбонк» дар иртибот ба Солҳои рушди деҳот, сайёҳӣ ва ҳунарҳои мардумӣ эълон гардидани солҳои 2019-2021 соли 2021 аз ҳисоби захираҳои худӣ ба 272 нафар 8,3 миллион сомонӣ маблағҳои қарзӣ пешниҳод намуд, ки нисбат ба соли 2020 60 фоиз зиёд мебошад. Тавре ба АМИТ «Ховар» аз «Амонатбонк» иттилоъ доданд, дар маҷмӯъ, тайи солҳои 2019-2021 дар ин самт 16,5 миллион сомонӣ қарзҳо пешниҳод шудаанд.
«Амонатбонк» саъй дорад, ки дар татбиқи Солҳои рушди саноат (2022-2026), ки аз ҷониби Пешвои миллат зимни ироаи Паёми навбатӣ ба Парлумони мамлакат эълон гардиданд, бо роҳи дастгирии соҳибкорони ватанӣ тавассути пешниҳоди қарзҳои имтиёзнок аз рӯи муҳлати пардохт ва фоизҳои қарзӣ, рушди ҳисоббаробаркуниҳои ғайринақдӣ, ки омили муҳим дар рушди соҳибкорӣ ба ҳисоб меравад, инчунин ҷалби сармояи хориҷӣ ба иқтисоди миллӣ корҳои назаррас ба анҷом расонад.
АКС аз манбаъҳои боз
ҚУРБИ АСЪОР: 1 рубли русӣ аз 0.1111 то 0.1020 сомонӣ муқррар шудааст
Дар Бонки миллии Тоҷикистон тақвияти робитаҳои байнибонкии Тоҷикистон ва Ҳиндустон баррасӣ шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Агентии «S&P Global Ratings» рейтинги соҳибихтиёрии қарзии Тоҷикистонро ба дараҷаи «B+/B» бо дурнамои «устувор» баланд бардошт
