Бахшида ба 30-солагии таъсиси Донишгоҳи давлатии Хоруғ мусобиқаи волейбол оғоз гардид

ДУШАНБЕ, 26.01.2022 /АМИТ «Ховар»/. Бахшида ба 30-солагии таъсиси Донишгоҳи давлатии Хоруғ ба номи Моёншо Назаршоев дар Маҷмааи варзиши шаҳри Хоруғ миёни шаш дастаи омӯзгорон ва кормандони донишгоҳ мусобиқаи волейбол оғоз гардид, ки то  28 январ идома меёбад, хабар медиҳад АМИТ «Ховар» бо истинод ба ин ниҳод.

 Мусобиқа бо мақсади тақвияти тарзи ҳаёти солим, рушди бозии волейбол ва ҷалби бештари кормандон ба варзиш дар асоси дастури ректори донишгоҳ, профессор Гулзорхон Юсуфзода ташкил шуда, дар он асосан дастаҳои «Раёсат», «Амнияти донишгоҳ», «Факултаи филологияи тоҷик», «Факултаи таърих ва ҳуқуқ», «Факултаи  математика ва физика», «Факултаи  педагогӣ» бо ҳам рақобат мекунанд.

Ғолибони он бо Ҷом, медал, ифтихорнома ва мукофотпулӣ қадрдонӣ мегарданд.

АКС : ДДХ