Дар Ашт ярмаркаи ҷойҳои кории холӣ доир гардид

ДУШАНБЕ, 29.01.2022 /АМИТ «Ховар»/. Шуъбаи Агентии меҳнат ва шуғли аҳолӣ дар ноҳияи Ашт  ҷиҳати иҷрои  вазифаҳое, ки  дар Паёми навбатии Президенти мамлакат  муҳтарам Эмомалӣ Раҳмон ба Маҷлиси Олӣ баён гардиданд ва қарори Раиси вилояти Суғд дар бораи тадбирҳои татбиқи «Барномаи давлатии мусоидат ба шуғли аҳолии Ҷумҳурии Тоҷикистон барои солҳои 2020-2022»  дар даромадгоҳи  «Театри мусиқӣ — драмавии ба номи Маҳмудҷон Воҳидов»-и ноҳияи мазкур  ярмаркаи ҷойи кори холӣ баргузор  намуд.

Тавре  аз Мақомоти иҷроияи ҳокимияти давлатии ноҳияи Ашт ба АМИТ «Ховар» хабар доданд, дар ярмаркаи ҷойи кори холӣ аз 17 ташкилоту корхонаҳо намояндагон бо пешниҳоди 126 ҷойи кор иштирок намуданд. Аз тарафи мутахассисони шуъба миёни корҷӯён корҳои фаҳмондадиҳӣ гузаронида шуданд. Дар ярмарка

Дар ярмарка 135 нафар шаҳрвандони бекор ва корҷӯй иштирок намуда, 26 нафар бекорон ба коргоҳи дӯзандагии ҶДММ «Рахшона» тавсиянома гирифтанд. Ба 7 нафар маслиҳатҳои машваратӣ, ба 12 нафар шаҳрвандони корҷӯйи Ҷамоати деҳоти Меҳробод доир ба курси кӯтоҳмуддати «Бофандагӣ» маслиҳат дода шуд. Инчунин 20 нафар шаҳрвандони бекори дар қайди шуъба буда ба ҶДММ «Рахш Р.М» барои кори ҷамъиятии музднок фаро гирифта шуд.

АКСаз МИҲД н.Ашт