Дар Донишгоҳи давлатии Данғара Паёми Президенти Тоҷикистонро тавзеҳ доданд

Январь 12, 2022 15:48

ДУШАНБЕ, 12.01.2022 /АМИТ «Ховар»/. Дар Донишгоҳи давлатии Данғара бо иштироки муовини якуми раиси вилояти Хатлон Амонулло Салимзода, муовини якуми раиси ноҳияи Данғара Каромиддин Холзода, муовини раиси ноҳияи Данғара Фариза Абдуллозода ва ректори Донишгоҳи давлатии Данғара, профессор Нуралӣ Шоҳиён  ҷиҳати шарҳу баррасии нуктаҳои Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ҷамъомад доир гардид, хабар дод ба АМИТ «Ховар» сардори бахши  гурӯҳи таҳлилии таъмини бехатарии иттилоот ва кор бо сомонаҳои донишгоҳ Муҳаммад Шораҳимзода.   

Муовини якуми раиси вилояти Хатлон Амонулло Салимзода  вобаста ба дастовардҳои дохиливу хориҷии мамлакат ва натиҷаҳои рушди иқтисодиву иҷтимоии вилояти Хатлон дар соли гузашта ибрози назар намуда, соли 2021-ро соли таърихӣ унвон намуд.  Гуфта шуд, ки соҳаи кишоварзӣ дар таъмини амнияти озуқавории мамлакат нақши калидӣ дорад ва вилояти Хатлон дорои иқлими мусоид ҷиҳати рушди тамоми соҳаҳо  мебошад. Дар солҳои вазнини 1992–1998 Ҳукумати мамлакат бо мақсади таъмин намудани аҳолӣ бо маҳсулоти озуқа ва пешгирӣ кардани гуруснагӣ 75 ҳазор гектар заминро ҳамчун заминҳои президентӣ тақсим намуд, ки ин нишондиҳанда дар бист соли охир 138 ҳазор гектар аз ҳисоби заминҳои обиро дар бар мегирад, ки ба 1 миллиону 400 ҳазор оила барои бунёди манзили истиқоматӣ ҷудо карда дода шуд.

Инчунин дастгириҳои давлатӣ ва имтиёзҳои пешниҳоднамудаи Ҳукумати Ҷумҳурии Тоҷикистон боиси рушди соҳаҳои боғу токпарварӣ, чорводориву парандапарварӣ, моҳипарварӣ ва занбӯриасалпарварӣ гардиданд.

Муовини  раиси ноҳияи Данғара Фариза Абдуллозода   иброз намуд, ки яке аз масъалаҳои умдае, ки дар Паёми Пешвои миллат зикр гардид, ин мавқеи занону ҷавонон дар ҷомеа буд. Вобаста ба ин Пешвои миллат иброз доштанд, ки нақши бонувону занон дар бунёди ҷомеаи демократӣ ва дунявӣ хеле бузург мебошад ва имрӯз 49,3 фоизи аҳолии кишварро маҳз занон ташкил медиҳанд. Таъкид гардид, ки  дар замони истиқлолият 11 500 нафар духтарон аз ноҳияҳои дурдасти кӯҳистон тибқи квотаи президентӣ ба муассисаҳои таҳсилоти олии касбии кишвар дохил шуда, онро сарбаландона хатм намудаанд. Ҳукумати мамлакат бо мақсади дастгирӣ ва ҳавасмандгардонии ҷавонони лаёқатманду соҳибмаърифат ва ватандӯсту хештаншинос тамоми шароиту имконияти заруриро фароҳам овардааст.

Дар ҷамъомад меҳмонон доир ба нуктаҳои дигари Паём маърӯза намуда, изҳор доштанд,  ки татбиқи нуктаҳои ин ҳуҷҷати муҳим замина фароҳам меорад, ки пешрафти соҳаҳо таъмин ва сатҳи некӯаҳволии мамлакат боз ҳам беҳтар гардад.

Ректори Донишгоҳи давлатии Данғара Нуралӣ Шоҳиён  изҳор дошт, ки “дар партави Паёми Президенти Ҷумҳурии Тоҷикистон ва амалӣ намудани ҳадафҳои Стратегияи миллии рушди Ҷумҳурии Тоҷикистон барои давраи то соли 2030 ҷиҳати то 30 фоиз расонидани хизматчиёни давлатӣ ва то 25 фоиз расонидани кадрҳои роҳбарикунанда аз ҳисоби занону бонувони лаёқатманд Раёсати Донишгоҳи давлатии Данғара барои баланд бардоштани мақоми иҷтимоии занон, аз ҷумла пешниҳоди онҳо ба зинаи роҳбарикунанда аз моҳи январи соли 2022 дар мувофиқа бо Вазорати маориф ва илми Ҷумҳурии Тоҷикистон дар сохтори идоравии факултетҳо ва кафедраҳои донишгоҳ тағйиру иловаҳо ворид намуд.  47 нафар аз ҳисоби занону бонувони муваффақ ва лаёқатманду донандагони забони хориҷии донишгоҳ ба вазифаҳои ҷонишини декан оид ба рушди неруи инсонӣ ва ташкили бозиҳои расмӣ-касбӣ ва ба ҳайси муовини мудири кафедра оид ба рушди неруи инсонӣ ва баҳогузории рейтингӣ таъйин шуданд”.

 

                                                  АКСҲО  аз Донишгоҳи давлатии Данғара

 

 

Январь 12, 2022 15:48

Хабарҳои дигари ин бахш

Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»