Дар Суғд аксияи «Тозагии маҳал» гузаронида шуда, маъракаи ниҳолшинонӣ ҷараён дорад
ДУШАНБЕ, 31.01.2022 /АМИТ «Ховар»/. Бо мақсади тозаву озода нигоҳ доштани муҳити зист, баланд бардоштани сатҳи маърифати экологии сокинон дар шаҳри Гулистон аксияи «Тозагии маҳал» баргузор гардид. Тавре ба АМИТ «Ховар» аз Кумитаи ҳифзи муҳити назди Ҳукумати ҷумҳурӣ иттилоъ доданд, дар он намояндагони муассисаҳои маориф, фарҳанг, тандурустӣ, мактаби варзишӣ, коллеҷи тиббӣ, шабакаҳои барқии вилоят, ҶСК «Қолинҳои Қайроққум» ва дигар сохторҳои маҳаллӣ, дар маҷмӯъ 500 нафар фаъолона иштирок намуданд. Дар доираи аксияи тозагии маҳал атрофи корхонаву муассисаҳо ва мавзеъҳои истироҳатӣ пурра тоза карда шуда, 8,2 метри мураббаъ ахлот ба партовгоҳи асосӣ бароварда шуд.
Ҳамзамон дар муассисаи таҳсилоти миёнаи умумии № 5-и шаҳри Истиқлол дар вилояти Суғд аксияи «Тозагии маҳал» гузаронида шуда, дар он омӯзгорон ва хонандагон фаъолона иштирок намуда, атрофи муассисаро аз партовҳои гуногун тоза намуданд.
Ҷунин аксияҳои экологӣ дар муассисаҳои дигари таълимии шаҳри Истиқлол низ пешбинӣ гардидаанд.
Ҳамзамон назар ба иттилои Кумитаи ҳифзи муҳити зист, корҳои ободониву сабзазоркунӣ дар ноҳияи Ашт бомаром идома дошта, ҳафтаи равон дар ҷамоати Ошобаи ноҳия беш аз 250 бех ниҳоли дарахтони сояафкан, ҳамешасабзу ороишӣ шинонида шуданд.
Бино ба маълумоти бахши ҳифзи муҳити зист дар ноҳияи Ашт, дар маъракаи ниҳолшинонӣ 300 нафар сокинон фаъолона иштирок намуданд.
Баҳри беҳдошти муҳити зист, аз ҷумла шинонидани ниҳолҳо ва сабзазоркунӣ дар дигар ҷамоату мавзеъҳои ноҳияи Ашт иқдомҳо пешбинӣ гардидаанд.
АКСҲО: Кумитаи ҳифзи муҳити зисти назди Ҳукумати ҷумҳурӣ
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
