Дар Вазорати тандурустӣ ва ҳифзи иҷтимоии аҳолӣ лоиҳаи «Хизматрасониҳои маҷмӯӣ барои модар ва кӯдак» баррасӣ гардид
ДУШАНБЕ, 15.01.2022 /АМИТ «Ховар»/. 14 январ дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷаласаи навбатии кумитаи роҳбарикунандаи байниидоравӣ оид ба амалигардонии лоиҳаи «Хизматрасониҳои маҷмӯӣ барои модар ва кӯдак» баргузор гардид. Дар ҷаласа таваҷҷуҳи иштирокдорон оид ба тадбирҳои андешидаи саривақтии Ҳукумати Ҷумҳурии Тоҷикистон вобаста ба ҳифзи саломатии модару кӯдак дар ноҳияҳои таҷрибавии лоиҳа, аз ҷумла ноҳияҳои Файзободу Рашт ва Шамсиддин Шоҳин равона гардид, иттилоъ додан ба АМИТ «Ховар» аз маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Дар ҷаласа Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, муовинони вазорату идораҳои дахлдор намояндагони мақомотҳои иҷроияи ҳокимияти давлатии ноҳияҳои таҷрибавии лоиҳа, аз ҷумла Рашт ва Файзободи тобеи ҷумҳур ва Шамсиддин Шоҳини вилояти Хатлон ва як қатор масъулини Гурӯҳи татбиқи Лоиҳа иштирок доштанд.
Ҷамолиддин Абдуллозода зикр намуд, ки тамоми тадбирҳои амалишаванда дар доираи нақшаи чорабиниҳо оид ба иҷрои вазифаҳое, ки дар Паёми Президенти Ҷумҳурии Тоҷикистон 21 декабри соли 2021 «Дар бораи самтҳои асосии сиёсати дохилию хориҷии ҷумҳурӣ» зикр гардидаанд, ба роҳ монда шудаанд.
Ҳамчунин ба мақомоти иҷроияи ҳокимияти маҳаллии ноҳияҳои таҷрибавии Лоиҳа супориш дода шуд, ки ҷиҳати гузаронидани чорабиниҳои мухталифи комуникатсионӣ ва иҷрои натиҷаи миёнамуҳлатҳои Лоиҳа саҳми арзандаи худро гузоранд.
Иштирокчиён оид ба татбиқи лоиҳа фикру андешаи худро баён намуда, бо дарназардошти таклифҳои пешниҳодгардида ҷиҳати амалигардонии лоиҳаи «Хизматрасониҳои маҷмӯӣ барои модар ва кӯдак» қарор қабул гардида, нақшаи корӣ оид ба амалигардонии Лоиҳаи мазкур дар соли 2022 барои тасдиқ пешниҳод карда шуд.
АКСҲО аз маркази матбуоти Вазорати тандурустӣ ва ҳифзи иҷтимоии аҳолии ҶТ
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
