Доир ба лоиҳаи «Гарданбанди гаронбаҳои Иттиҳод» ҷаласа доир шуд
ДУШАНБЕ, 27.01.2022. /АМИТ «Ховар»/. 26 январ вохӯрии маҷозии гурӯҳи кории кишварҳои узви Иттиҳоди Давлатҳои Мустақил дар шакли видеоконференсия баргузор гардид, ки ҳадафи он омода намудани хатсайрҳои сайёҳии таърихию фарҳангии кишварҳои узви ИДМ мебошад, хабар доданд аз Вазорати фарҳанги Ҷумҳурии Тоҷикистон ба АМИТ «Ховар».
Дар ҷараёни мулоқот аз Вазорати фарҳанги Ҷумҳурии Тоҷикистон сардори шуъбаи робитаҳои байналмилалӣ Шабнам Шарифова, ҳамоҳангсози миллӣ оид ба масъалаҳои фарҳанги моддӣ дар ЮНЕСКО ва ИСЕСКО Мирзошариф Абдусаломов, иҷрокунандаи вазифаи сардори шуъбаи илм ва муассисаҳои таълимии Вазорат Темурмалик Камолов иштирок ва суханронӣ намуданд.
Дар мулоқот таҳти унвони «Гарданбанди гаронбаҳои Иттиҳод» лоиҳаи байналмилалӣ пешниҳод гардида, ҷиҳати пешбурди лоиҳаи мазкур муҳокима сурат гирифт.
Ҳар кишвари узви ИДМ ба ин лоиҳа хатсайрҳои муштараки таърихию фарҳангии худро пешниҳод карданд.
Дар лоиҳаи мазкур аз Ҷумҳурии Тоҷикистон хатсайрҳои Шоҳроҳи Бузурги Абрешим иборат аз 5 гузаргоҳ (гузаргоҳҳои Зарафшон-Қайроққум, Фарғона-Сирдарё, Ҳисор, Амударё ва Вахон) пешниҳод шуданд.
Ёдовар мешавем, ки ташкил намудани чунин хатсайрҳо дар рушди бештари соҳаи сайёҳӣ, махсусан сайёҳии таърихию фарҳангӣ саҳифаи нав мекушояд.
Ин таҷриба аллакай дар кишварҳои Аврупо роҳандозӣ гардида, то имрӯз ин кишварҳо дар ин самт ба натиҷаҳои назаррас ва рушди бемайлони сайёҳӣ расидаанд.
АКС аз Вазорати фарҳанги ҶТ
Дар Москва шоми ёдбуди Мирзо Турсунзода баргузор гардид
Дар Тоҷикистон Рӯзҳои фарҳанги Федератсияи Русия оғоз гардид
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
