Донишгоҳи давлатии тиҷорати Тоҷикистон 60 оилаи омӯзгорон ва кормандонро аз пардохти маблағи хобгоҳ озод намуд
ДУШАНБЕ, 11.01.2022 /АМИТ «Ховар»/. Донишгоҳи давлатии тиҷорати Тоҷикистон 60 оилаи омӯзгорон ва кормандонеро, ки дар хобгоҳи донишгоҳ истиқомат мекунанд, барои як сол аз пардохти маблағи хобгоҳ озод намуд, иттилоъ дод ба АМИТ «Ховар» муовини ректор оид ба илм ва робитаҳои байналмилалии Донишгоҳи давлатии тиҷорати Тоҷикистон Фарҳод Шарипов.
Ба гуфти ҳамсуҳбати мо, дар хобгоҳи донишгоҳ алҳол беш аз 60 оилаи омӯзгорон ва кормандони донишгоҳ истиқомат доранд, ки маблағи моҳонаи иҷора 360 сомониро ташкил медиҳад.
Иқдоми мазкур дар идомаи тадбирҳо ҷиҳати пайравӣ аз сиёсати иҷтимоии Президенти Ҷумҳурии Тоҷикистон муҳтарам Эмомалӣ Раҳмон, ки зимни ироаи Паёми навбатӣ ба Маҷлиси Олӣ ғамхорӣ нисбат ба маорифро сармоягузорӣ барои рушди неруи инсонӣ ва ояндаи ободи давлату ватан арзёбӣ намуданд, дар мувофиқа бо Раёсати Иттифоқи «Тоҷикматлубот» бо фармоиши ректори донишгоҳ Маҳмадалӣ Қурбонзода роҳандозӣ гардид.
Ёдовар мешавем, ки соли 2021 Донишгоҳи давлатии тиҷорати Тоҷикистон омӯзгорон ва 292 нафар донишҷӯёнеро, ки дар хобгоҳи донишгоҳ истиқомат мекунанд, аз пардохти маблағи хобгоҳ барои шашмоҳаи дуюми соли таҳсили 2020-2021 озод намуда буд.
АКС: сомонаи Донишгоҳи давлатии тиҷорати Тоҷикистон
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
