«ИН ҒАЛАБА БАРОИ ВАТАНАМ!». Бори аввал варзишгари тоҷик дар риштаи муҳорибаи омехта чемпиони ҷаҳон гардид
ДУШАНБЕ, 31.01.2022 /АМИТ «Ховар»/. Размикори тоҷик Асадбек Маннонов дар риштаи муҳорибаи омехта (ММА) байни калонсолон ва наврасон дар вазни +120 кг қаҳрамони ҷаҳон гардид.
Маннонов дар даври нимниҳоӣ бар Дмитрий Бабаеви рус ва дар бозии ниҳоӣ бар Микита Тсибуляи украинӣ пирӯз шуд.
Варзишгар яке аз набардҳои ҷолибтарин нишон дода, аввалин чемпиони ҷаҳонии Федератсияи байналмилалии муҳорибаҳои омехта (IMMAF) аз Тоҷикистон гардид.
Маннонов зикр кард, ки барои ӯ ин дастоварди баландтарин аст. Ба гуфтаи ӯ, тоҷикони дигар низ, ки дар ин мусобиқа ширкат доштанд, натиҷаҳои хуб нишон доданд.
«Ин ғалаба барои Ватанам, оилаам ва ман аст!», — таъкид кард варзишгар.
Ҳамчунин дар ин мусобиқа Беҳрӯз Хуршедзода (70 кг), Қосим Сардоров (77 кг) ва Ҷовидон Маҳмудов (77 кг) соҳиби медалҳои нуқра гардиданд.
Медалҳои биринҷиро Ёқубҷон Сафаров, Муҳаммад Салоҳиддинов ва Бахтиёр Ҳусайнов сазовор гаштанд.
Бояд тазаккур дод, ки ин нахустин иштироки размикорони Тоҷикистон дар Чемпионати ҷаҳон оид ба риштаи муҳорибаи омехта мебошад.
Чемпионати ҷаҳон, ки таҳти сарпарастии Федератсияи байналмилалии муҳорибаҳои омехта (IMMAF) баргузор шуд, аз 24 то 29 январ дар аренаи Ҷиу-Ҷитсуи шаҳри Абу-Забӣ баргузор шуд. Дар чемпионат 500 нафар варзишгарон аз 60 кишвари ҷаҳон маҳорати худро нишон доданд.
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
