Истеъмоли барзиёди дорувории «Баралгин» сабаби садамаи нақлиётӣ дар бозори «Корвон» гардид

Январь 10, 2022 08:40

ДУШАНБЕ, 10.01.2022 /АМИТ «Ховар»/. 8 январ  дар кӯчаи Қосимови пойтахт, дар сероҳаи бозори «Корвон» садама ба миён омад, ки дар натиҷа як нафар ба ҳалокат расидааст.

Тавре АМИТ «Ховар» бо истинод ба Вазорати корҳои дохилии  Ҷумҳурии Тоҷикистон иттилоъ медиҳад, автобуси тамғаи «АКИА»  ба ККВД «Автобус 1» тааллуқ дорад ва ронандаи он  Мирдонов Шуҳрат Асатуллоевич, соли таваллудаш 1991, истиқоматкунандаи ноҳияи Варзоб, ки дар хатсайри №18-и шаҳри Душанбе ба мусофиркашонӣ машғул мебошад, ҳангоми ҳаракат бо кӯчаи Қосимови пойтахт аз тарафи кӯчаи Фирдавсӣ ба самти кӯчаи Н.Қарабоев, дар вақти ворид шудан ба сероҳаи бозори «Корвон» бинобар сабабе, ки пеш аз ҳаракат карданаш доруи «Баралгин»-ро барзиёд истеъмол намудааст, аз таъсири ин доруворӣ аз ҳуш рафта, аз уҳдаи идораи воситаи нақлиёт набаромада, ба самти муқобили роҳ баромадааст.

Сипас автобус ба мошини тамғаи «Хундай Солярис», таҳти идораи ронанда Лутфуллоев Беҳруз Суҳробович бархӯрда, баъдан ба мошини тамғаи «Опел-Вектра», таҳти идораи ронанда Кулуков Амрулло Давлатович бархӯрда, боз ҳаракаташро давом дода, ба мошини тамғаи «Тойота-Прадо», таҳти идораи ронанда Саидов Раҳим Мирсалимович бархӯрда, боз ҳаракаташ давом ёфта, ба мошини тамғаи «Опел-Астра», таҳти идораи ронанда Исоев Дилшод Давлатмуродович, ки ин мошинҳо ба роҳи худ ҳаракат доштанд, бархӯрдааст. Дар ин вақт мусофири мошини мазкур Ҳасанова Шабнам Негматовна, соли таваллудаш 1995, сокини шаҳри Душанбе, ки дар қисмати пеши мошин дар ҷойи мусофир нишаста буд, аз мошин хоҳиши фаромадан кардааст ва  аз сабаби бархӯрди автобус ба ин мошин ҳангоми фаромадан зери чархи тарафи чапи автобуси мазкур монда, пахш мешавад ва  мутаассифона, ба ҳалокат мерасад.

Автобуси зикршуда ба мошини тамғаи «Шкода» бархӯрда, баъдан аз ҳаракат боз мондааст.

Дигар иштирокчиёни ҳодисаи мазкур ҷароҳати ҷисмонӣ набардоштаанд.
Аз рӯи ин ҳодиса тафтиш идома дорад.

АКС аз манбаъҳои боз

Январь 10, 2022 08:40

Хабарҳои дигари ин бахш

Дар Хатлон ташаббуси вилоятии «Саҳми ман дар ободии Ватан» доир карда мешавад
Беш аз 5 ҳазор ҳолати вайронкунии қонунгузории замин дар маҳал бартараф карда шуд
Имрӯз ҳаво дар шаҳри Душанбе то 38 дараҷа гарм мешавад
Дар Бадахшон ҳаҷми маҷмӯи маҳсулоти минтақавӣ 873 миллион сомониро ташкил дод
Кишоварзони Кӯлоб аввалин маротиба зери плёнка чигит кишт намуданд
Имрӯз дар ноҳияҳои алоҳидаи Тоҷикистон чангу ғубор боқӣ мемонад
РУШДИ САЙЁҲӢ. Таърих, фарҳанг, табиат ва меҳмоннавозии мардум вилояти Суғд сайёҳонро бештар ба худ ҷалб намудааст
Дар истироҳатгоҳи омӯзишии «Истиқлол» таътили тобистонаи хонандагон хотирмон мегузарад
Дар ноҳияи Деваштич ҳамоиши гирандагони Стипендияи президентӣ баргузор гардид
Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
Дар Тоҷикистон Фестивали хӯрокҳои милллии Покистон баргузор мегардад