КИ ҲХДТ дар Хатлон ба кӯдакони имконияташон маҳдуд туҳфаҳои идона тақдим намуд
ДУШАНБЕ, 01.01.2022 /АМИТ «Ховар»/. Бахшида ба Соли нави мелодӣ аз ҷониби роҳбарияти Кумитаи иҷроияи Ҳизби Халқии Демократии Тоҷикистон дар вилояти Хатлон барои кӯдакони дорои имконияти маҳдуди назди Ташкилоти ҷамъиятии “Эҳё ва дастгирӣ”-и вилояти Хатлон дар шаҳри Бохтар базми идона ороста шуда, ба онҳо туҳфаҳои солинавӣ тақдим карда шуданд, хабар доданд аз шуъбаи иттилоот ва матбуоти КИ ҲХДТ дар вилояти Хатлон ба АМИТ «Ховар».
Зимни вохӯрӣ раиси Кумитаи иҷроияи Ҳизби Халқии Демократии Тоҷикистон дар вилояти Хатлон Қиёмиддин Миралиён бо шароити буду боши кӯдакон шинос шуда, изҳор дошт, ки дастгирии қишрҳои ниёзманди ҷомеа ва расонидани кумакҳои инсондӯстона ба мактаб-интернату дигар муассисаҳои иҷтимоӣ аз ҷониби кумитаи мазкур нишони пайравӣ аз иқдомҳои инсондӯстонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон арзёбӣ мегардад.
Дар ҷараёни тақдими туҳфаҳои солинавӣ волидайни кӯдакон аз ташаббусҳои хайрхоҳонаи ҳизбиён изҳори минатдорӣ намуда, баён доштанд, ки чунин ғамхорӣ сабаби хушҳолию рӯҳбаландии кӯдакон ва падару модарони онҳо мегардад.
Тавре масъулони Маркази хизматрасониҳои иҷтимоии Ташкилоти ҷамъиятии “Эҳё ва дастгирӣ”-и вилояти Хатлон изҳор доштанд, Кумитаи иҷроияи ҲХДТ дар вилояти Хатлон давоми соли сипаригардида дар ҳама иду ҷашнҳои миллӣ ба тарбиятгирандагони ин марказ кумакҳои хайрхоҳона расонида, ҳамчунин бо ташкилу баргузории озмуну маҳфилҳои гуногун дар болидарӯҳӣ ва ҳамзамон рушди зеҳниву тавонбахшии кӯдакону наврасони имконияташон маҳдуд саҳм мегузорад.
АКСҲО аз Кумитаи иҷроияи ҲХДТ дар вилояти Хатлон
Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
Дар «Тоҷикаэронавигатсия» татбиқи Стратегияи миллии фаъолгардонии нақши занон дар Тоҷикистон баррасӣ гардид
Сафири Тоҷикистон дар Форуми ҳайати фармондеҳони Маркази омӯзишҳои таҳқиқотии Шарқи Наздик ва Осиёи Ҷанубӣ иштирок намуд
Маҳсулоти пешрафтаи рақамӣ (digital)-ро кӣ ва чӣ гуна таҳия менамояд
Имрӯз дар водиҳои Тоҷикистон ҳаво то 33 дараҷа гарм мешавад
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
