Кумитаи иҷроияи ҲХДТ дар вилояти Хатлон ба оилаҳои ниёзманди шаҳри Бохтар кумак расонид
ДУШАНБЕ, 02.01.2022 /АМИТ «Ховар»/. Масъулини Кумитаи иҷроияи Ҳизби Халқии Демократии Тоҷикистон дар вилояти Хатлон дар якҷоягӣ бо Кумитаи иҷроияи ҲХДТ дар шаҳри Бохтар дар рӯзҳои таҷлили Соли нави мелодӣ ба аёдати якчанд оилаи ниёзманди шаҳри Бохтар рафта, барояшон кумакҳои яквақтаинаи хӯрока расониданд, хабар доданд аз шуъбаи иттилоот ва матбуоти КИ ҲХДТ дар вилояти Хатлон ба АМИТ «Ховар».
Яке аз онҳо сокини маҳаллаи Хатлони шаҳри Бохтар Марҳима Камолова мебошад, ки чанд сол боз бо иллати нобиноӣ кунҷи хонаро ихтиёр кардааст. Раиси Кумитаи иҷроияи Ҳизби Халқии Демократии Тоҷикистон дар вилояти Хатлон Қиёмиддин Миралиён, ҳамунин раиси Кумитаи иҷроияи Ҳизби Халқии Демократии Тоҷикистон дар шаҳри Бохтар Неъматулло Иброҳимзода Марҳима Камоловаро аёдат намуда, аз аҳволи зиндагиаш бохабар шуданд.
Марҳима Камолова барои таваҷҷуҳ ва ғамхорӣ нисбат ба ӯ ва насли калонсоли кишвар изҳори сипос намуда, дар ҳаққи Сарвари давлат ва Тоҷикистони азиз дуои нек намуд.
Оилаи Ғиёсовҳо низ, ки дар маҳаллаи Қазоқони шаҳри Бохтар зиндагӣ мекунад дар ин рӯз аз кумаки масъулини Кумитаи иҷроияи ҳизби вилоят бархӯрдор шуданд. Мўйяссар Ғиёсова тӯли 10 сол дар Кумиаи иҷроияи ҲХДТ дар шаҳри Бохтар фаъолият кардааст ва имрӯз бознишаста шуда, ба тарбияи набераҳо машғул мебошад.
Қиёмиддин Миралиён зимни суҳбат бо аъзои ин оилаҳо, аз ҷумла иброз дошт, ки аз пойдории ваҳдату истиқлоли давлатӣ бояд ҳар лаҳза шукр гӯем, зеро ин ду неъмат на ба ҳама мардуми дунё фароҳам аст.
«Ҳеҷ гоҳ худро танҳо эҳсос накунед, зеро вазъи рӯзгори ашхоси калонсол ва ниёзманд, доимо таҳти таваҷҷуҳи Ҳукумати мамлакат, хусусан Сарвари давлат муҳтарам Эмомалӣ Раҳмон қарор дорад. Мо низ кӯшиш мекунем, ки пайваста аз аҳволатон бохабар бошем ва то қадри имкон дар таъмини эҳтиёҷотатон кумак намоем» — изҳор дошт раиси Кумитаи иҷроияи Ҳизби Халқии Демократии Тоҷикистон дар вилояти Хатлон Қиёмиддин Миралиён.
АКС аз Кумитаи иҷроияи ҲХДТ дар вилояти Хатлон
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
