ТАСС: Президенти Тоҷикистон изҳор намуданд, ки нишастҳои сарони кишварҳои Осиёи Марказӣ ва Чин бояд мунтазам баргузор шаванд
ДУШАНБЕ, 26.01.2022 /АМИТ «Ховар»/. Мулоқоти сарони кишварҳои Осиёи Марказӣ ва Чин бояд мунтазам баргузор шавад. Дар ин бора дирӯз, 25 январ Президенти Тоҷикистон Эмомалӣ Раҳмон изҳори назар намуданд, менависад ТАСС.
«Мо ба ҳамкории минбаъда дар доираи механизми Осиёи Марказӣ ва Чин аҳамияти хосса медиҳем. Мо ин сиғаро механизми муҳими рушди ҳамкории минтақавӣ мешуморем. Мо матни изҳороти якҷояро, ки дар натиҷаи маҷлиси имрӯзаи мо қабул шудааст, тарафдорӣ мекунем. Пешниҳод мекунам, ки анъанаи вохӯриҳои навбатии сарони кишварҳои Осиёи Марказӣ ва Чин ҷорӣ карда шавад», — иброз доштанд Сарвари Тоҷикистон дар нишасти онлайнии сарони кишварҳои минтақа ва Чин.
Эмомалӣ Раҳмон ҳавасмандии Душанберо ба татбиқи лоиҳаҳои сармоягузории минтақавӣ, аз ҷумла баргузории ҳамоиши сармоягузории кишварҳои Осиёи Марказӣ ва Чин дар соли 2022 таъйид намуданд.
Президенти Тоҷикистон ба зарурати таҷдиди роҳҳое, ки Тоҷикистонро бо Чин мепайванданд ва аз нав ба роҳ мондани ҳаракати ҳавоӣ миёни кишварҳо ишора намуданд. Ба зикри Президенти Тоҷикистон, Душанбе ба ташкили истеҳсоли муштараки маҳсулоти тиббӣ ва доруворӣ бо Пекин ва интиқоли маҳсулоти кишоварзии худ ба Чин манфиатдор аст.
«Мо ҷонибдори ҳамкории фаъол дар пешбурди энергияи сабз дар чаҳорчӯби ташаббуси “Як камарбанд, як роҳ» ҳамчун заминаи калидии рушди иқтисоди сабз ҳастем», — афзуданд Президенти Тоҷикистон.
АКС аз манбаъҳои боз
Ташаббусҳои байналмилалии Тоҷикистон дар соҳаи обу иқлим дар Донишкадаи таҳсилоти обии Делфт муаррифӣ гардиданд
Рӯзи Президенти Ҷумҳурии Тоҷикистон, Конститутсия ва Парчами давлатӣ дар шаҳри Боку таҷлил карда шуд
Дар Донишгоҳи тиббии Исломобод «Рӯзи илми Сино» баргузор шуд
Сироҷиддин Муҳриддин дар Ҳамоиши байналмилалии таъмини амнияти дастҷамъӣ иштирок намуд
Ҳайати Тоҷикистон дар нишасти муштараки Созмони Аҳдномаи амнияти дастҷамъӣ иштирок намуд
Маҷаллаи «The Times Kuwait» зери унвони «Тоҷикистон: кӯлҳои кӯҳистонӣ, достонҳои куҳан ва меҳмоннавозии гарм» матлаб нашр кардааст
Сафири Тоҷикистон бо устондори Ал-Ҷаҳрои Кувайт вохӯрӣ намуд
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Дар шаҳри Путраҷая мулоқоти ҳайатҳои вазоратҳои корҳои хориҷии Тоҷикистон ва Малайзия баргузор шуд
Идибек Қаландар бо Дабири кулли Вазорати корҳои хориҷии Малайзия мулоқот намуд
Сафири Тоҷикистон бо муовини Котиби давлатии ИМА Кристофер Ландау мулоқот намуд
Рушди ҳамкории Тоҷикистону Олмон дар бахшҳои сиёсӣ ва иқтисодӣ баррасӣ гардид
