Ваколатдор оид ба ҳуқуқи инсон дар Тоҷикистон вобаста ба куштори шаҳрванди 25-солаи тоҷик ба Ваколатдор оид ба ҳуқуқи инсон дар шаҳри Санкт-Петербург муроҷиат намуд
ДУШАНБЕ, 27.01.2022. /АМИТ «Ховар»/. Ваколатдор оид ба ҳуқуқи инсон дар Ҷумҳурии Тоҷикистон Умед Бобозода вобаста ба ҳодисаи куштори ваҳшиёнаи шаҳрванди 25-солаи Ҷумҳурии Тоҷикистон ба Ваколатдор оид ба ҳуқуқи инсон дар шаҳри Санкт-Петербург Агапитова Светлана Юревна ҷиҳати таҳти назорат гирифтани ҷараёни тафтиши ҳодисаи мазкур муроҷиат намуд. Дар ин бора дар шуъбаи ҳифзи давлатии ҳуқуқҳои иқтисодӣ, иҷтимоӣ ва фарҳангии Ваколатдор оид ба ҳуқуқи инсон ба АМИТ «Ховар» иттилоъ доданд.
Дар муроҷиати мазкур хоҳиш карда шудааст, ки аз натиҷаи назорат ба Ваколатдор оид ба ҳуқуқи инсон иттилоъ дода шавад.
Ба иттилои шабакаҳои иҷтимоӣ, 23 январи соли равон дар назди фурудгоҳи Пулковои шаҳри Санкт-Петербург ҷасади шаҳрванди Тоҷикистон Эмомалӣ Давлатови 26-соларо аз дохили мошинаш пайдо кардаанд.
Наворҳои камераҳои назоратӣ нишон медиҳанд, ки ба ин ҷавони тоҷик дар дохили мошин ҳамла кардаанд. Гуфта мешавад, ки ҳангоми содир шудани ин ҷиноят дар мошин се мусофир будаанд.
Аз рӯи ин ҳодиса тибқи қисми 1-и моддаи 105-и Кодекси ҷиноятии Федератсияи Русия (куштор) парванда боз шуда, ҷустуҷӯи гумонбарон дар ҳудуди вилояти Ленинград идома дорад.
АКС аз Ваколатдор оид ба ба ҳуқуқи инсон
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
Муассисаҳои таҳсилоти ибтидоӣ ва миёнаи касбӣ ба соли нави таҳсил омода мебошанд
ОГОҲӢ! Аз 29 то 31 август дар баъзе минтақаҳои Тоҷикистон омадани селҳои маҳаллӣ пешгӯӣ мешавад
Самаранокии идоракунии молиявӣ бо намояндагони лоиҳаи Иттиҳоди Аврупо дар Тоҷикистон баррасӣ шуд
ИСТИҚЛОЛИЯТ, ҶАВОНӢ ВА СОЗАНДАГӢ. Дар Душанбе Форуми ҷумҳуриявии ҷавонон баргузор гардид
Байни муассисаҳои соҳаи тандурустии Тоҷикистону Қазоқистон се Ёддошти тафоҳум ба имзо расид
Дар шаҳри Левакант муассисаи давлатии таҳсилоти томактабӣ ба истифода дода шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба 40 нафар ятими кулли шаҳри Ҳисор либоси мактабӣ тақдим гардид
Дар доираи сафари кории Президенти Тоҷикистон дар ноҳияи Хуросон иншооти гуногун ба истифода дода шуданд
