Зодаи Душанбе дар Тотористон донишҷӯи сол эълон гардид
ДУШАНБЕ, 27.01.2022. /АМИТ «Ховар»/. Шаҳрванди тоҷик, магистранти Донишгоҳи миллии тадқиқотии технологии Қазон (КМТМУ) Раҳматҷон Халилов барандаи Ҷоизаи Гран-прии озмуни ҷумҳуриявии «Донишҷӯи сол-2022» гардид. Дар ин бора ба мухбири АМИТ «Ховар» аз намояндагии «Россотрудничество» дар Ҷумҳурии Тоҷикистон хабар доданд.
Раҳматҷон Халилов ҷоизаи «Беҳтарин донишҷӯи сол дар Тотористон»-ро аз дасти муовини аввали раиси Шӯрои Федератсияи Маҷлиси Федеролии Русия Андрей Турчак ва сардори давлати Тотористон Рустам Миннихонов гирифт. Инчунин ӯ имкон пайдо кард, ки тавассути барномаи «Алгариш» дар ҳама донишгоҳҳои ҷаҳон таҳсилашро идома диҳад.
Раҳматҷон Халилов зодаи Душанбе буда, дар мактаби рақами 20 ба номи А.Пушкин ва Литсейи рақами 1 барои кӯдакони болаёқат таҳсил кардааст.
Айни замон ӯ дар барномаи магистрии КНРТУ бо ихтисоси соҳибкории инноватсионӣ дар коркарди маводи композитӣ фаъолият дорад.
Ба гуфтаи Раҳматҷон, ӯ ният дорад, ки бо истифода аз гранти Тотористон дар дилхоҳ донишгоҳи ҷаҳон таҳсил карда, баъдан бо дониши андӯхтааш ба Тоҷикистон баргашта, ба халқу Ватан хизмати софдилона намояд.
Ёдовар мешавем, ки дар маъракаи кунунии квота 6184 номзад сабти ном шуда, 4556 нафар ба имтиҳони интихобӣ (барои ҳамаи зинаҳои таҳсилот) роҳ ёфтанд. Дар маҷмӯъ, барои соли таҳсили 2022-23 ба Тоҷикистон 750 ҷои буҷетӣ ҷудо шудааст, ки ин шумора соли гузашта аз 630 ҷой иборат буд.
Фаъолияти «Россотрудничество» ва муассисаҳои он дар хориҷа ба татбиқи сиёсати давлатии ҳамкории байналмилалии башардӯстона, мусоидат ба паҳн кардани идеяи воқеии Русияи муосир дар хориҷа нигаронида шудааст. Ҳоло «Россотрудничество» дар 81 кишвари ҷаҳон 98 намояндагӣ дорад.
АКС аз «Россотрудничество»
«ДИЛНАВИШТА». Таҳти чунин унвон маҳфили эҷодии Ибодулло Машраб баргузор гардид
«ҲЕҶ КАС ВА ҲЕҶ ЧИЗ ФАРОМӮШ НАШУДААСТ». Дар Осорхонаи миллии Тоҷикистон намоиши ҷашнӣ ифтитоҳ ёфт
«МИРЗО ТУРСУНЗОДА ДАВОМДИҲАНДАИ НАЗМИ ҲАЗОРСОЛАИ ХАЛҚИ ТОҶИК МЕБОШАД». Андешаҳои адибони бузург дар васфи шоир
Дар Осорхонаи миллӣ маҳфили «Шоҳномахонӣ» баргузор гардид
«ОН ҚАДАР ДАР ДИЛПИСАНДӢ ДИЛПИСАНД АСТӢ, ВАТАН…». Имрӯз зодрӯзи Қаҳрамони Тоҷикистон устод Мирзо Турсунзода аст
«БЕҲТАРИН ТАРҒИБГАРИ ЛИБОСИ МИЛЛӢ-2024». Дар Донишгоҳи технологии Тоҷикистон даври ҷамъбастии озмун гузаронида шуд
«ҲУНАР БЕҲТАР АЗ ЗАР БУВАД». Дар Бадахшон даври вилоятии фестивали ҳунармандон ҷамъбаст гардид
«САЙРИ ГУЛИ ЛОЛА». Имрӯз дар Боғи фарҳангӣ-фароғатии ба номи Абулқосим Фирдавсӣ даври ҷумҳуриявии озмун баргузор мегардад
«БО ҲАМ». Дар Осорхонаи миллӣ намоиши асарҳои рассомони муосири тоҷик оғоз шуд
Муовини вазири корҳои хориҷии Ҷумҳурии Мардумии Чин Қалъаи Ҳисорро тамошо намуд
Чор иншооти муҳими шаҳри қадимии Панҷакент барқарор карда шуд
Дар Институти физикаю техника озмоишгоҳи замонавӣ ба истифода дода шуд
