Сироҷиддин Муҳриддин: «Мавқеи Тоҷикистон нисбат ба толибон* тағйир наёфтааст»
ДУШАНБЕ, 02.02.2022 /АМИТ «Ховар»/. «Мавқеи Ҷумҳурии Тоҷикистон нисбат ба толибон* тағйир наёфтааст», — изҳор дошт имрӯз зимни нишасти матбуотӣ Вазири корҳои хориҷии мамлакат Сироҷиддин Муҳриддин.
Ба зикри С. Муҳриддин, Тоҷикистон ҷонибдори зарурати таъсиси ҳукумати фарогир дар Афғонистон бо иштироки тамоми қавмҳо мебошад. Толибон бояд ба ҷомеаи ҷаҳонӣ иҷрои уҳдадории худро оид ба ба эҳтироми ҳуқуқ ва озодиҳои инсон воқеан нишон диҳанд.
«Мо интиқоли пайвастаи неруи барқро ба вилоятҳои шимолии Афғонистон ва шаҳри Кобул идома медиҳем», — гуфт Вазири корҳои хориҷии Тоҷикистон.
Сироҷиддин Муҳриддин ҳамчунин зикр кард, ки Тоҷикистон зерсохторҳои логистикии худ, аз ҷумла 6 пул дар марзи Тоҷикистону Афғонистонро барои интиқоли молҳои башардӯстона аз ҷониби созмонҳои байналмилалӣ пешниҳод мекунад. Дар айни замон бо супориши Пешвои миллат муҳтарам Эмомалӣ Раҳмон аз ҷониби вазорату идораҳои дахлдор барои мардуми Афғонистон кумакҳои башарӣ таҳия шуда истодаанд.
Ба гуфтаи вазир, Ҳукумати Тоҷикистон бо дарназардошти мизони афзояндаи чолишҳо ва таҳдидҳо ҷиҳати таъмини амният ва ҳифзи марзҳои ҷанубӣ тадбирҳои зарурӣ меандешад.
«Имрӯз дар қаламрави Тоҷикистон 3 ҳазор оилаи афғон, дар маҷмӯъ ҳудуди 15 ҳазор гурезагон ба сар мебаранд. Дар мавриди боз кардани марзҳо барои қабули гурезаҳои афғон мо сараввал таъмини амнияти дохилии кишварамонро ба инобат мегирем. Дар давраи нооромӣ дар Афғонистони ҳамсоя Тоҷикистон қаламрави худро ба шарикони хориҷӣ барои фиристодани шаҳрвандони хориҷӣ ва шаҳрвандони Афғонистон ба кишварҳои сеюм пешниҳод намуда буд», — иброз дошт С.Муҳриддин.
Ёдовар мешавем, ки пешниҳод дар бораи зарурати таъсиси ҳукумати фарогир дар Афғонистон бори нахуст аз ҷониби Президенти Ҷумҳурии Тоҷикистон муҳтарам Эмомалӣ Раҳмон 25 августи соли 2021 дар Душанбе зимни мулоқот бо Вазири корҳои хориҷии Покистон Маҳмуд Қурейшӣ садо дода буд.
Сарвари давлати Тоҷикистон изҳор доштанд, ки барои ҳалли фаврии мушкилоти сиёсиву амниятии кишвари ҳамсоя бояд ҳарчи зудтар як ҳукумати фарогири инклюзивӣ бо иштироки ҳамаи ақалиятҳои миллӣ, пеш аз ҳама, тоҷикони Афғонистон, ки зиёда аз 46 фоизи мардуми ин кишварро ташкил медиҳанд, таъсис дода шавад.
_________________________
*Толибон — ташкилоти террористии мамнуъ дар Тоҷикистон ва дигар кишварҳо
АКС: АМИТ «Ховар»
Масоили тавсеа ва рушди муносибатҳои мутақобили судманд байни Тоҷикистону Австрия баррасӣ шуд
Шараф Шерализода дар Барселона бо намояндагони ниҳодҳои Испания мулоқот намуд
Ҳамкории Тоҷикистон ва Конфедератсияи Швейтсария баррасӣ гардид
Сафири Тоҷикистон бо муовини раиси Девони вазирони Туркманистон оид ба нақлиёт ва коммуникатсия мулоқот намуд
Дар Шуша ҷаласаи 7-уми вазирони Созмони ҳамкории иқтисодӣ оид ба сайёҳӣ баргузор гардид
Зарурати тақвияти ҳамкории сармоягузорӣ байни Тоҷикистон ва иёлоти Ютаи Амрико таъкид шуд
Дар Вена «Устувонаи Куруши Кабир» муаррифӣ гардид
Ҳамкорӣ байни Маҷлиси намояндагони Маҷлиси Олии Тоҷикистон ва Конгресси Иёлоти Муттаҳидаи Амрико баррасӣ шуд
Сафири Тоҷикистон бо намояндаи махсуси Кантслери Австрия оид ба корҳои хориҷӣ мулоқот намуд
Таҳкими ҳамкорӣ байни прокуратураҳои генералии Тоҷикистон ва Қатар баррасӣ гардид
Ташаббуси Ҷумҳурии Тоҷикистон доир ба қабули қатъномаи Иҷлосияи 82-юми Комиссияи иқтисодӣ ва иҷтимоии СММ барои Осиё ва Уқёнуси Ором дар Бангкок
Намояндаи Тоҷикистон дар Форуми 10-уми байналмилалии шарикии давлат ва бахши хусусӣ дар Барселона иштирок намуд
