Валентина Матвиенко: Русия шарики асосии тиҷоратии Тоҷикистон боқӣ мемонад
ДУШАНБЕ, 25.02.2022 /АМИТ «Ховар»/. Русия шарики асосии тиҷоратии Тоҷикистон боқӣ мемонад. Дар ин бора Раиси Шӯрои Федератсия Валентина Матвиенко зимни суханронӣ дар Форуми VII байнипарлумонии «Тоҷикистон-Русия: иқтидори ҳамкории байниминтақавӣ» изҳори назар намуд, менависад имрӯз рӯзномаи ҳукуматии «Российская газета».
«Ба фаъолияти савдои хориҷӣ бо Тоҷикистон аксарияти минтақаҳои Русия ҷалб гардидаанд. Садҳо корхонаҳои муштарак фаъолият мекунанд», — гуфт ӯ.
Дар баробари ин, ба гуфтаи Валентина Матвиенко, таваҷҷуҳи минтақаҳои Русия ба густариши ҳамкорӣ дар ин самт афзоиш меёбад. Ӯ даъват намуд, ки назорати иҷрои қарордодҳои дуҷониба бо манотиқи Тоҷикистон пурзӯр карда шавад.
Ба ин тартиб, ба гуфтаи Валентина Матвиенко, густариши ҳамкорӣ дар соҳаи кишоварзӣ – интиқоли маҳсулоти аз ҷиҳати экологӣ тоза аз Тоҷикистон ва таҷҳизоти кишоварзӣ аз Русия ояндадор аст.
Ҳамчунин Раиси Шӯрои Федератсия ба сатҳи баланди тақвияти забони русӣ ва фарҳанги русӣ дар Тоҷикистон таваҷҷуҳ зоҳир намуд. Дар ҷумҳурӣ филиалҳои донишгоҳҳои машҳури Русия кушода шуда, Донишгоҳи славянии Русияву Тоҷикистон фаъолият мекунад ва лоиҳаи «Муаллими рус дар хориҷа» амалӣ мегардад.
Ба андешаи ӯ, робитаҳо дар соҳаи маориф имкон медиҳанд, ки аз ҷумла, барои ҳалли масъалаҳои ҳассоси муҳоҷирати меҳнатӣ захира ташкил карда шавад.
«Мо хоҳони онем, ки кормандони тоҷик бо риояи тамоми меъёрҳо ва талаботи қонунгузории Русия қонунӣ кор кунанд ва ҳуқуқҳои онҳо то ҳадди имкон ҳифз карда шаванд», — изҳор дошт ӯ.
Валентина Матвиенко корҳои васеъмиқёси таҷдиди низоми ҳуқуқии будубоши муваққатӣ ва иқомати доимии шаҳрвандони хориҷӣ дар Русияро зикр намуд.
«Дар оянда тартиби ҷалби шаҳрвандони хориҷӣ ба кор ислоҳ карда шуда, барои коргарони хориҷӣ хидматҳои нави мувофиқ ва бехатари рақамӣ пайдо мешаванд. Ҳамчунин ташкили марказҳои омӯзишӣ барои муҳоҷирони корӣ дар Тоҷикистон, омӯзиши забони русӣ ва асосҳои қонунгузории Русия метавонад қадами муҳим гардад», — гуфт Валентина Матвиенко.
Раиси Шӯрои Федератсия аз вакилони парлумон даъват кард, ки тамоми ҷанбаҳои муҳоҷират, аз ҷумла ҳифзи ҳуқуқи онҳоеро, ки барои кор ба Русия меоянд, дар сатҳи қонунгузорӣ таҳия кунанд.
АКС аз сомонаи Шӯрои Федератсияи Маҷлиси Федеративии ФР
Даври дуюми Мактаби САҲА оид ба дипломатия, роҳбарӣ ва сулҳоварӣ барои ҷавондухтарон оғоз гардид
Дар Маҷлиси намояндагон бахшида ба Рӯзи забони давлатии Ҷумҳурии Тоҷикистон ҳамоиши идона баргузор гардид
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир гардид
Созишнома байни Ҳукумати Тоҷикистон ва Ҳукумати Амороти Муттаҳидаи Арабӣ оид ба алоқаи ҳавоӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Доир ба рушди дипломатияи парламентӣ дар даврони соҳибистиқлолии Тоҷикистон ҳамоиш баргузор шуд
Ҳамкории байнипарламентии Тоҷикистон ва Қазоқистон тақвият меёбад
Мавсума Муинӣ: «Мавқеъ ва саҳми занон дар дипломатияи парламентии Ҷумҳурии Тоҷикистон намоён аст»
Ҷаласаи ғайринавбатии Шурои Маҷлиси намояндагони Маҷлиси Олӣ баргузор гардид
Кумитаи доимии Ассамблеяи парлумонии Осиё Қатънома оид ба фарҳанги истифодаи оқилонаи захираҳои обро қабул намуд
Кумитаи доимии Ассамблеяи парлумонии Осиё Қатънома оид ба таҳкими фарҳанги сулҳ, таҳаммулпазирӣ ва эҳтироми арзишҳои фарҳангии миллатҳоро қабул намуд
