Дар Душанбе оид ба тартиби бақайдгирӣ ба Феҳристи давлатии содироткунандагон ҷаласаи корӣ доир гардид
ДУШАНБЕ, 10.03.2022 /АМИТ «Ховар»/. Имрӯз дар Душанбе оид ба тартиби бақайдгирии шахсони содироткунанда ба Феҳристи давлатии содироткунандагони Ҷумҳурии Тоҷикистон бо иштироки намояндагони вазорату идораҳои ҷумҳурӣ, бахши хусусӣ, шарикони рушд ҷаласаи корӣ баргузор шуд, хабар доданд ба АМИТ «Ховар» дар Агентии содироти назди Ҳукумати Ҷумҳурии Тоҷикистон.
Дар ҷаласа директори Агентӣ Шавкат Бобозода зикр намуд, ки айни замон Агентии содирот бо мақсади мукаммалгардонии низоми миллии дастгирии содирот бо вазорату идораҳои дахлдор, бахши хусусӣ ва шарикони рушд, аз ҷумла Барномаи рушди Созмони Милали Муттаҳид ҳамкорӣ дорад. Ҳамзамон ҷиҳати муайян намудани дурнамои иқтидорҳои содиротӣ Агентии содирот якҷо бо Барномаи рушди Созмони Милали Муттаҳид Феҳристи давлатии содироткунандагони Ҷумҳурии Тоҷикистонро таҳия намуд.
«Мақсад аз таҳияи ҳуҷҷати зикргардида- ин дуруст ва дақиқ муайян кардани дурнамои иқтидорҳои содиротии мамлакат ва нишондиҳандаҳои иқтисодии рушди амалиёти содиротӣ мебошад. Субъектҳои хоҷагидоре, ки ба Феҳристи давлатии содиркунандагон дохил карда мешаванд, аз имтиёзҳои дар Қонуни Ҷумҳурии Тоҷикистон «Дар бораи фаъолияти савдои хориҷӣ» пешбинишуда ҳуқуқ пайдо мекунанд, ки истифода баранд»,- афзуд Шавкат Бобозода.
Дар ҷаласа тартиби бақайдгирии шахсони содироткунанда ба Феҳристи давлатии содироткунандагони Ҷумҳурии Тоҷикистон муаррифӣ гардида, аз ҷониби иштирокдорон пешниҳодҳо оид ба феҳристи мазкур ироа гардид, ки мавриди муҳокима қарор дода шуд.
АКС: Агентии содироти назди Ҳукумати ҶТ
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
