«Корвони китоб-2022»: ба китобхонаҳои марказии шаҳру ноҳияҳои Хатлон беш аз 2600 нусха китоб тақдим гардид
ДУШАНБЕ, 15.03.2022 /АМИТ «Ховар»/. Аз ҷониби Корхонаи воҳиди давлатии таъминот ва савдои «Китоб»-и Вазорати фарҳанги Ҷумҳурии Тоҷикистон дар доираи ҳаракати фарҳангии «Корвони китоб-2022» ба китобхонаҳои марказии шаҳру ноҳияҳои вилояти Хатлон тибқи «Барномаи давлатии рушди муассисаҳои фарҳангии Ҷумҳурии Тоҷикистон барои солҳои 2021-2025» 2605 нусха китоб ба маблағи умумии 71 815 сомонӣ барои мукаммалгардонии китобхонаҳо бо китобҳои тозанашр тақдим карда шуд. Дар ин бора АМИТ «Ховар» бо истинод ба Вазорати фарҳанги ҷумҳурӣ хабар медиҳад.
Бояд тазаккур дод, ки бо мақсади амалӣ намудани «Барномаи давлатии рушди муассисаҳои фарҳангии Ҷумҳурии Тоҷикистон барои солҳои 2021-2025» ва расонидани кумак ҷиҳати мукаммалгардонии захираи китобхонаҳо бо китобҳои тозанашр дар шаҳру ноҳияҳои ҷумҳурӣ ҳаракати фарҳангии «Корвони китоб-2022» аз ҷониби Корхонаи воҳиди давлатии таъминот ва савдои «Китоб»-и Вазорати фарҳанг ба 15 шаҳру ноҳияҳои минтақаи Бохтари вилояти Хатлон ва тобеи ҷумҳурӣ аз 1 март оғоз гардид.
Дар доираи иқдоми мазкур дар ноҳияҳои Рӯдакӣ, Абдураҳмони Ҷомӣ, Кӯшониён, Дӯстӣ, Вахш, Шаҳритӯс, Носири Хусрав, Қубодиён ва шаҳри Бохтар намоиш-фурӯши китоб ташкил гардида, ба китобхонаҳои марказии онҳо нусхаҳои китобҳо тақдим карда шуданд.
Мавриди зикр аст, ки шурӯъ аз имрӯз, 15 март то 17 март ба шаҳру ноҳияҳои тобеи ҷумҳурӣ, аз ҷумла Ҳисор, Турсунзода, Шаҳринав ва Варзоб идома ёфта, дар ин шаҳру ноҳияҳо низ бо мақсади ҷалби аҳолӣ ба китобхонӣ намоиш-фурӯши китоб ба роҳ монда шуда, тибқи Барнома ба китобхонаҳои марказӣ 1448 нусха китоб ба маблағи 38 841 сомонӣ мукаммал гардонида мешаванд.
Дар маҷмӯъ 4 598 нусха китоб ва 7 500 нусха барга (варақаи хонанда) ба маблағи 131 000 сомонӣ мукаммал гардонида шуд.
АКС аз бойгонӣ
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
«CHAKAN HOUSE». Дар Донишгоҳи давлатии Данғара маркази дӯзандагӣ ифтитоҳ гардид
Имрӯз дар боғҳои шаҳри Душанбе рӯзҳои фарҳанги ВМКБ ва ноҳияи Файзобод баргузор мегарданд
Дар Душанбе рӯзи фарҳанги ноҳияҳои Ишкошим ва Мурғоб баргузор шуд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
БОЗЁФТИ НОДИР. Сиккаҳои замони Сомониён дар Хутали Қадим кашф гардиданд
