Абдулазиз Комилов аз вазифаи Вазири корҳои хориҷии Узбекистон озод шуд. И.в. Владимир Норов гардид
ДУШАНБЕ, 29.04.2022 /АМИТ «Ховар»/. Вазири корҳои хориҷии Узбекистон Абдулазиз Комилов (ДАР АКС) бинобар ба кори дигар гузаштанаш аз вазифа озод карда шуд, хабар медиҳад Kun.uz бо истинод ба котиби матбуоти Президенти Ҷумҳурии Узбекистон Шерзод Асадов.
Ба гуфтаи ӯ, Абдулазиз Комилов, ки дар вазифаи вазири корҳои хориҷӣ кор мекард, муовини Котиби Шӯрои амнияти назди Президенти Ҷумҳурии Узбекистон оид ба сиёсати хориҷӣ ва амният таъйин шуд.
Дар навбати худ Бобур Усмонов, ки муовини котиби Шӯрои амният оид ба сиёсати хориҷӣ ва амният буд, муовини директори Институти тадқиқоти стратегӣ ва байниминтақавӣ таъйин гардид.
Ҳамчунин иттилоъ дода мешавад, ки Владимир Норов муовини аввал ва муваққатан иҷрокунандаи вазифаи вазири корҳои хориҷии Ҷумҳурии Узбекистон таъйин шудааст.
АКС аз бойгонӣ
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
