Ансамбли давлатии рақсии «Зебо» барои иштирок дар Фестивали байналмилалии «Рақси лазгӣ» ба Тошканд сафар намуд
ДУШАНБЕ, 25.04.2022. /АМИТ «Ховар»/. Имрӯз Ансамбли давлатии рақсии «Зебо» ҷиҳати иштирок дар Фестивали байналмилалии «Рақси лазгӣ» ба шаҳри Тошканди Ҷумҳурии Узбекистон сафар намуд. Дар ин бора ба АМИТ «Ховар» сардори Раёсати санъати Вазорати фарҳанги Ҷумҳурии Тоҷикистон Мирзоолим Саидов иттилоъ дод.
Фестивали мазкур 25-30 апрел дар шаҳри Хеваи Ҷумҳурии Узбекистон баргузор гардида, дар он 13 нафар раққос таҳти роҳбарии Артисти халқии СССР Зебо Аминзода ва Директори генералии Иттиҳодияи давлатии гурӯҳҳои эҷодию консертӣ Бахтовар Раҳмонзода Тоҷикистонро муаррифӣ менамоянд.
Тибқи лоиҳаи мероси фарҳангии Узбекистон, фестивали мазкур дар ду сол як маротиба аз 25 то 30 апрел баргузор мешавад.
Ин фестивал бо мақсади ҳифз ва рушди анъанаҳои қадимии санъати «Рақси хоразмии – лазгӣ», мустаҳкам намудани риштаҳои дӯстӣ ва бародарӣ миёни халқҳо тавассути санъати рақс, минбаъд васеъ намудани доираи ҳамкории эҷодӣ ва робитаҳои фарҳангӣ дар сатҳи байналмилалӣ доир мешавад.
Дар доираи фестивал павилонҳои намоишӣ бахшида ба санъати рақс фаъолият мекунанд. Дар ин ҷо иштирокчиён асбоби мусиқӣ ва либосҳои миллӣ, ҳунарҳои дастӣ, осори санъати тасвирӣ ва амалӣ, ҳайкалтарошӣ, филмҳои бадеӣ ва ҳуҷҷатӣ, дискҳои аудио ва видео, китобҳо, албомҳо ва аксҳоро пешкаши тамошобинон мегардонанд.
«Рақси хоразмии – лазгӣ», ки дар таърихи ғании санъати рақсии мамлакати мо ҷойгоҳи махсус ишғол мекунад, бо услуби хоси иҷро ва ҷаззобии худ на танҳо дар ҷумҳурӣ, балки дар кишварҳои хориҷӣ низ маъмул аст. Аз ҷониби ЮНЕСКО ба Рӯйхати мероси фарҳангии ғайримоддии башарият шомил шудани «Рақси хоразмии – лазгӣ» низ аз беҳамтоии ин санъат шаҳодат медиҳад.
Ёдовар мешавем, ки моҳи сентябри соли 2019 дар Фестивали байналмилалии «Мӯъҷизаи рақс», ки дар шаҳри Хеваи Ҷумҳурии Узбекистон баргузор гардид, миёни намояндагони 20 давлати ҷаҳон ва гурӯҳҳои рақсӣ аз тамоми минтақаҳои Узбекистон Ансамбли рақсии «Зебо»-и шаҳри Хуҷанди Ҷумҳурии Тоҷикистон ҳунарнамоӣ намуда буд.
АКС: АМИТ «Ховар»/ манбаъҳои боз
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
