БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар Истаравшан корхонаи истеҳсоли таҷҳизоти техникӣ бунёд мешавад
ДУШАНБЕ, 09.04.2022 /АМИТ «Ховар»/. Дар доираи корҳои ободонию созандагӣ ба истиқболи 35-солагии Истиқлоли давлатии Ҷумҳурии Тоҷикистон дар шаҳри Истаравшан корхонаи истеҳсоли телевизор, мошинаи ҷомашӯӣ ва дигар таҷҳизоти техникӣ бо бренди «ORVIGA» сохта, ба истифода дода мешавад, иттилоъ медиҳад АМИТ «Ховар» бо истинод ба сомонаи хадамоти матбуоти раиси шаҳри Истаравшан.
Гурӯҳи кории Ҳукумати Ҷумҳурии Тоҷикистон таҳти роҳбарии Раиси Суди конститутсионии Ҷумҳурии Тоҷикистон Абдулҳафиз Ашурзода ва Раиси шаҳри Истаравшан Адҳам Маъмурзода аз ҷараёни корҳои сохтмони корхонаи мазкур дидан намуд.
Корхонаи мазкур аз ҷониби ҶДММ «ORVIGA» дар масоҳати зиёда аз 2 гектар бунёд гардида, дар ҷараёни бунёди он қариб 20 нафар сохтмончиён бо ҷойи кор ва пас аз мавриди истифода қарор додани марҳилаи якум қариб 60 нафар бо ҷойи кори доимӣ таъмин мегарданд. Маҳсулоти корхона воридотивазкунанда буда, метавонад бо нархҳои дастрас вориди бозор гардад.
Ҳамчунин раиси шаҳри Истаравшан якҷо бо роҳбари гурӯҳи корӣ бо ҷараёни корҳои сохтмонӣ дар корхонаи истеҳсоли мебели кӯдакона ва ашёи зарурии он, ки аз ҷониби соҳибкор Мансур Умаров бо бренди «Адл» истеҳсол мешавад, шинос шуд.
Таҷҳизоти корхона аз хориҷи кишвар харидорӣ гардида, рӯзҳои наздик васл ва мавриди истифода қарор дода мешавад. Баъди ба кор даромадани корхона 40 нафар сокинони маҳаллӣ бо ҷойи кори доимӣ таъмин мегарданд.
Инчунин аз ҷониби соҳибкор Мансур Умаров мавзеи бунёди корхонаи истеҳсоли таҷҳизоти техникии барқӣ муаррифӣ гардид. Иттилоъ дода шуд, ки рӯзҳои наздик корҳои бунёди корхонаи мазкур низ оғоз мегарданд.
АКС: Хадамоти матбуоти раиси шаҳри Истаравшан
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
