Ба Маркази саломатии ноҳияи Восеъ мошини ёрии таъҷилӣ тақдим гардид
ВОСЕЪ, 05.04.2022 /АМИТ «Ховар/. Бо мақсади саривақт хизмати тиббӣ расонидан ба аҳолии ноҳияи Восеъ аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба Маркази саломатии ноҳия як мошини ёрии таъҷилӣ тақдим гардид, хабар доданд ба хабарнигори минтақавии АМИТ «Ховар» дар маркази мазкур.
Директори марказ Диловар Валиев миннатдории худро ба роҳбарияти вазорат баён намуда, афзуд, ки мошини ёрии таъҷилии воридгардида замонавӣ буда, бо таҷҳизоти муосири тиббӣ муҷҷаҳаз мебошад ва то ба беморхона овардани бемор кумаки ҳамаҷониба мерасонад. Айни ҳол дар марказ 3 мошини ёрии таъҷилӣ фаъолият дошта, ба беш аз 200 ҳазор нафар аҳолӣ хизмат мерасонанд. Дар ноҳия 41 маркази саломатӣ ва 24 бунгоҳи тиббӣ фаъолият менамоянд. Баҳри пешгирии ҳар гуна бемориҳои сироятӣ кормандони ин марказҳо усули хона ба хонаро пеш гирифта, аз солимии аҳолӣ огоҳ мешаванд.
Диловар Валиев иброз дошт, ки Вазорати тандурустӣ ва ҳифзи иҷтимоии аҳолӣ ба ғайр аз мошини ёрии таъҷилӣ 8 адад яхдон низ тақдим намуд, ки ба марказҳои саломатӣ ва бунгоҳҳои тиббӣ равона гардида, барои ҳифзи сифати доруворӣ мусоидат менамоянд.
Дар арафаи таҷлили Наврӯзи байналмилалӣ дар ноҳия 2 бунгоҳи тиббии нав мавриди истифода қарор дода шуданд.
Гуфта мешавад, ки масъулини марказ тасмим гирифтаанд, хизматрасониро ба аҳолӣ бештар намуда, ҷиҳати пешгирии ҳар гуна беморӣ ба сокинони ҷамоатҳои шаҳраку деҳот вохӯриҳо доир намоянд.
Сулаймон ХОЛЗОДА,
АМИТ «Ховар»
АКСҲО аз муаллиф
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
