Ба сокинони Дарвоз барои ҷудо намудани замин ва сохтмони хонаҳои истиқоматӣ кумак расонида мешавад
ДУШАНБЕ, 04.04.2022 /АМИТ «Ховар»/. Раиси Вилояти Мухтори Кӯҳистони Бадахшон Алишер Мирзонабот дар ноҳияи Дарвоз ҷаласаи корӣ доир кард, ки дар он масъалаҳои кишту кори баҳорӣ, бунёди корхонаҳои саноатӣ, расондани кумак ба хонаҳои зарардида, ки бар асари фаромадани сел хисорот дидаанд, инчунин дигар мавзӯъҳои муҳими иҷтимоӣ мавриди баррасӣ қарор гирифтанд. Дар ин бора ба АМИТ «Ховар» дар мақомоти иҷроияи ҳокимияти давлатии ВМКБ хабар доданд.
Раиси ВМКБ ба гурӯҳҳои корӣ, ки аз вилоят ба ноҳияи Дарвоз барои санҷидани заминҳои корам сафарбар гардидаанд, дастур дод, ки ҳолати корро ҳаматарафа санҷида, ба он баҳои воқеӣ диҳанд.
Ноҳияи Дарвоз аз лиҳози бунёди корхонаҳои саноатӣ дар вилоят пешрафта буда, ба рушди иқтисоди ВМКБ такони ҷиддӣ мебахшад. Баъд аз ҷаласаи корӣ Котиби Шӯрои амнияти Ҷумҳурии Тоҷикистон Насрулло Маҳмудзода, Вазири саноат ва технологияи нави Ҷумҳурии Тоҷикистон Шералӣ Кабир ва Раиси Вилояти Мухтори Кӯҳистони Бадахшон Алишер Мирзонабот аз Парки инноватсионии саноатию технологӣ, ки бо супориши Пешвои миллат муҳтарам Эмомалӣ Раҳмон зимни сафари корӣ ба ноҳияи Дарвоз соли 2020 фаъолияти истеҳсолиро оғоз намуда буд, дидан карданд.
Номбурдагон дар деҳаи Умараки ноҳияи Дарвоз бо соҳибони хонаҳое, ки бар асари фаромадани сел зарар дидаанд, вохӯрӣ намуданд.
Насрулло Маҳмудзода зимни суҳбат бо зарардидагон иброз дошт, ки «шумо таҳти таваҷҷуҳи бевоситаи Пешвои миллат муҳтарам Эмомалӣ Раҳмон қарор доред. Ҳукумати Ҷумҳурии Тоҷикистон дар ин лаҳзаҳои душвор шуморо танҳо нагузошта, баҳри сохтани хонаҳои истиқоматии нав кумакатон мерасонад» .
Шералӣ Кабир гуфт «мо омода ҳастем ҳамаи он маҳсулоти сохтмониеро, ки барои бунёди хонаҳои истиқоматӣ бароятон лозим мегардад, дастрас намоем».
Алишер Мирзонабот низ зикр кард, ки мақомоти иҷроияи ҳокимияти давлатии вилоят ва ноҳия барои ҷудо намудани замин ва сохтмони хонаҳои нави истиқоматӣ ба зарардидагон кӯмак мерасонад. Сокинони ноҳия дар ҷавоб ба ҳамаи ин ғамхориҳои Ҳукумати Ҷумҳурии миннатдории самимонаи худро ба Пешвои миллат муҳтарам Эмомалӣ Раҳмон баён доштанд, ки дар ин лаҳзаҳои душвор онҳоро танҳо нагузоштанд.
АКСҲО: МИҲД-и ВМКБ
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
Дар назди Коллеҷи муҳандисӣ-техникии ноҳияи Нуробод бинои нави таълимӣ ва хобгоҳ сохта мешавад
Дар Суғд масъалаи риояи талаботи санитарию эпидемиологӣ дар муассисаҳои хизматрасонӣ баррасӣ гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Тоҷикобод хати нави оби нӯшокӣ ва иншооти иҷтимоӣ мавриди истифода қарор гирифтанд
Дар Тоҷикистон 73 фоизи кормандони соҳаи маориф ва 72 фоизи кормандони тандурустиро занон ташкил медиҳанд
Ҳангоми зиёд шудани чангу ғубор барои ҳифзи саломатӣ тадбирҳои заруриро амалӣ намоед
Экспедитсияи илмии олимону мутахассисони Ҳиндустон дар Тоҷикистон оғоз гардид
35-СОЛАГИИ ИСТИҚЛОЛИ ДАВЛАТӢ. Дар ин давра дар Тоҷикистон 182 деҳаи нав таъсис дода шуд
