Бо мусоидати Сафорати Тоҷикистон аз боздоштгоҳи муваққатии шаҳрвандони хориҷии Русия 5 нафар шаҳрвандони кишвар ба Ватан оварда мешаванд
ДУШАНБЕ, 07.04.2022. /АМИТ «Ховар»/. 12 ва 19 апрели соли равон бо мусоидати Сафорати Ҷумҳурии Тоҷикистон дар Федератсияи Русия 5 нафар шаҳрвандони Тоҷикистон, ки дар боздоштгоҳи муваққатии шаҳрвандони хориҷии шаҳри Кимовскийи вилояти Тула қарор доранд, ба Ватан фиристода мешаванд, хабар дод масъули бахши матбуоти Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират Каримҷон Салимзода.
5 апрели соли 2022 кормандони Хадамоти консулии Сафорати Ҷумҳурии Тоҷикистон дар Федератсияи Русия дар доираи таъмини ҳифзи ҳуқуқи шаҳрвандон ба Боздоштгоҳи муваққатии шаҳрвандони хориҷӣ, воқеъ дар шаҳри Кимовскийи вилояти Тула омада, бо ҳолати нигоҳдории шаҳрвандони Ҷумҳурии Тоҷикистон дар ин муассиса аз наздик шинос гардиданд.
Зимни мулоқот бо Роҳбари Боздоштгоҳи мазкур Сергей Тертичний масоили ҳуҷҷатгузорӣ ва зудтар ба Тоҷикистон фиристодани шаҳрвандони муваққатан боздоштгардида мавриди баррасӣ қарор гирифт.
Кормандони Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират бо шаҳрвандони боздоштгардидаи Ҷумҳурии Тоҷикистон мулоқот намуда, ба саволу дархостҳои онҳо посухҳои мушаххас ва маслиҳатҳои ҳуқуқӣ доданд.
Ба шаҳрвандон доир ба риояи талаботи қонунҳои амалкунандаи Федератсияи Русия дар самти муҳоҷират ҷиҳати дар оянда такрор нашудани қонунвайронкуниҳо вобаста ба будубош дар қаламрави ин кишвар маълумот ва тавсияҳои зарурӣ дода шуд.
Дар ҷараёни вохӯрӣ маълум гардид, ки дар айни ҳол дар боздоштгоҳи мазкур 6 нафар шаҳрвандони Ҷумҳурии Тоҷикистон қарор доранд, ки аз онҳо ба 1 нафарашон аз ҷониби Намояндагии дипломатӣ шаҳодатномаи бозгашт ба Ҷумҳурии Тоҷикистон ба таври ройгон таҳия гардид ва тавре иттилоъ додем 5 нафари дигар низ ҳафтаи оянда ба Ватан баргардонида мешаванд.
Зимни боздид ба шаҳрвандони Тоҷикистон ва дигар шаҳрвандони хориҷӣ як миқдор маводи ғизоӣ ва дигар маҳсулоти мавриди ниёз тақдим карда шуд.
Корҳо дар самти шиносоӣ бо шароити боздоштгоҳҳо, ҳуҷҷатгузорӣ ва баҳри ҳарчӣ зудтар ба Тоҷикистон фиристодани шаҳрвандони муваққатан боздоштгардида, дар тамоми шаҳру вилоятҳои Федератсияи Русия мунтазам анҷом дода мешаванд.
АКСҲО: Намояндагии Вазорати меҳнат, муҳоҷират ва шуғли аҳолии ҶТ дар ФР оид ба муҳоҷират
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
