Бонки Эсхата барои дорандагони «Корти Ягона» иқдоми нав роҳандозӣ менамояд
ДУШАНБЕ, 21.04.2022 /АМИТ «Ховар»/. Бонки Эсхата барои дорандагони «Корти Ягона» иқдоми нав роҳандозӣ менамояд, ки мутобиқи он барои интиқоли пул ва харид дар нуқтаҳои савдо ва хизматрасонӣ метавон соҳиби кешбэк шуд. Дар ин бора ба АМИТ «Ховар» дар ҶСК «Бонки Эсхата» хабар доданд.
Дар доираи ин иқдом пас аз пардохти харид дар нуқтаҳои савдо ва хизматрасонӣ баъд аз се рӯз ба корти дорандагони он 2% кешбэк интиқол дода мешавад. Ё дар нуқтаҳои савдо ва хизматрасонӣ зимни пардохт тавассути QR бо интихоби «Корти Ягона» ба суратҳисоби бонусӣ дар «Эсхата онлайн» фавран 2% кешбэк мегузарад.
Ҳангоми қабули интиқоли пул ва ҳам зимни харид барои хона мизоҷон метавонанд аз ҳисоби кешбэк даромад ба даст оранд.
Иқдоми мазкур аз 20 апрели соли 2022 то 1 январи соли 2023 идома мекунад.
АКС: ҶСК «Бонки Эсхата»
ҚУРБИ АСЪОР: 1 доллари ИМА аз 9.1800 то 9.2536 сомонӣ муқррар шудааст
Масъалаи ҷалби мутахассисони Бонки миллии Тоҷикистон ба барномаи JISPA баррасӣ гардид
«Амонатбонк» иқдоми «Файзи Истиқлол-35»-ро пешниҳод намуд
Оғози хизматрасонии байналмилалии пардохтии Apple Pay дар Тоҷикистон баррасӣ шуд
