ДАР ДОИРАИ СОЛҲОИ РУШДИ САНОАТ. Дар Турсунзода коргоҳи истеҳсоли нони хушк ба истифода дода шуд
ТУРСУНЗОДА, 03.04.2022 /АМИТ «Ховар»/. Дар доираи татбиқи Солҳои рушди саноат (2022-2026) бо дастгирии Ҳукумати Ҷумҳурии Тоҷикистон дар корхонаи истеҳсоли хӯроквории ҶДММ «Сардор-2008» бо иштироки Раиси шаҳри Турсунзода Парвиз Акрамзода коргоҳи нави муҷаҳҳаз бо дастгоҳу таҷҳизоти муосир барои истеҳсоли нони хушк аз тарафи соҳибкори ватандӯст Шавкат Мадраҳимов ба истифода дода шуд. Дар ин бора котиби матбуоти раиси шаҳри Турсунзода Фирӯз Холиқов ба хабарнигори АМИТ «Ховар» Субҳониддини Маҳмуд иттилоъ дод.
Коргоҳи нави нони хушк бо дастгоҳу таҷҳизоти муосири истеҳсоли Туркия муҷаҳҳаз буда, 4 номгӯи маҳсулотро бо 8 таъм истеҳсол ва пешниҳоди бозори истеъмолӣ мегардонад. Сафи кормандони ин коргоҳ аз ҳисоби сокинони маҳаллӣ ба 30 нафар расонида шуд.
Ёддовар мешавем, ки корхонаи истеҳсоли хӯроквории ҶДММ «Сардор-2008» 7 сентябри соли 2020 бо иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ мавриди баҳрабардорӣ қарор гирифт.
Корхона дорои 6 сех, аз ҷумла, сехҳои истеҳсоли картошкаи хушк, нони хушк, ғулачаҳои ширини ҷуворимакка, сақич, ҳалво, сехи истеҳсоли донаҳои офтобпараст, анбор барои нигоҳдории маҳсулоти тайёр ва озмоишгоҳ иборат буд. Дар ин корхона 250 нафар сокинони маҳаллӣ бо ҷои кори доимӣ таъмин гардида, зимни ифтитоҳи корхона аз ҷониби Пешвои миллат муҳтарам Эмомалӣ Раҳмон ҷиҳати васеъ намудани фаъолияти истеҳсолӣ ба соҳибкор дастуру супоришҳои мушахас дода буд.
Соҳибкори ватандӯст Шавкат Мадраҳимов дар маросими кушодашавии навъҳои гуногуни коргоҳи нони хушки ин корхона изҳор намуд, ки “дастгириҳои ҳамешагии Пешвои миллат муҳтарам Эмомалӣ Раҳмон барои рушди соҳибкорӣ беназир мебошанд. Дарстгириҳои пайвастаи ин шахсияти таърихӣ буданд, ки имрӯзҳо мо, соҳибкорон дар кори худ муваффақ ҳастем. Миннатдории хешро ба Пешвои миллат муҳтарам Эмомалӣ Раҳмон баён менамоям ва минбаъд низ фаъолияти корхонаро васеъ намуда, дар таъмини ҳадафи чоруми стратегӣ-саноатикунонии босуръати мамлакат ва Солҳои рушди саноат саҳм мегузорам”.
АКСҲО: Мақомоти иҷроияи ҳокимияти давлатии шаҳри Турсунзода
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Сарвари давлат Эмомалӣ Раҳмон корхонаи фаръии истеҳсоли шарбати Саноати хӯроквории минтақаи Раштро мавриди истифода қарор доданд
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
