Дар Кӯлоб бо мақсади рушди соҳаи маориф ва баланд бардоштани сифати таълим машварат доир гардид
ДУШАНБЕ, 02.04.2022 /АМИТ «Ховар»/. Бо мақсади рушди соҳаи маориф, баланд бардоштани сифати таълим, иштироки фаъолонаи хонандагон дар озмуну олимпиадаҳои фаннии мактаббачагон 31 март дар Литсей барои хонандагони болаёқат дар шаҳри Кӯлоб семинар-машварат доир шуд, хабар доданд ба АМИТ «Ховар» дар бахши матбуоти Макомоти иҷроияи ҳокимияти давлатии шаҳри Кӯлоб.
Дар машварат раиси шаҳри Кӯлоб Бахтиёр Назарзода, намояндагони ҳифзи ҳуқуқ, масъулину кормандони соҳаи маориф, директорони муассисаҳои таълимии шаҳр ва фаъолони ҷомеаи шаҳрвандӣ иштирок доштанд.
Нахуст иштирокдорони машварат аз намоиши илмӣ ва корҳои эҷодии омӯзгорону хонандагони Литсей бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дидан намуданд.
Раиси шаҳри Кӯлоб зимни суҳбат бо хонандагону навоварони ин муассиса зикр кард, ки онҳо бояд донишу маҳорат ва истеъдоди худро сайқал дода, ба комёбиҳои бештар ноил гарданд.
Инчунин раиси шаҳр бо шароиту имконоти донишомӯзии хонандагон шинос шуда, аз хобгоҳи хонандагон дидан намуд. Зикр шуд, ки дар Литсей барои таълиму тарбияи дурусти хонандагон аз усулҳои муосиру аёниятҳои замонавӣ ба таври васеъ истифода бурда мешавад. Аз ҷумла, синфхонаи компютерии Литсей ба шароити имрӯза ҷавобгӯ буда, барои сайқал додани донишу малакаи хонандагон нақши муҳим дорад.
Пас аз шиносоӣ аз вазъи ин таълимгоҳ раиси шаҳр дар толори Литсей дар ҳузури ҳайати омӯзгорон, кормандони соҳаи маориф, директорони муассисаҳои шаҳр оид ба вазъи соҳаи маориф, баланд бардоштани сатҳу сифати таълиму тарбия, сохтмону бунёди муассисаҳои таълимӣ ва омода намудани толибилмон дар озмунҳои ҷумҳуриявию байналмиллалӣ сухан намуд.
Бахтиёр Назарзода изҳор дошт, ки маориф самти афзалиятноки ҳаёти ҷомеа маҳсуб шуда, пайваста таҳти таваҷҷуҳ ва ғамхориҳои бевоситаи Президенти Ҷумҳурии Тоҷикистон муҳтарам Эмомалӣ Раҳмон қарор дошта, имрӯз бо дастгириҳои бевоситаи Пешвои миллат дар саросари мамлакат, аз ҷумла шаҳри Кӯлоб сохтмону навсозии муассисаҳои таълимӣ вусъат ёфта, шароити кори омӯзгорон ва таҳсили хонандагон ба маротиб беҳтар гардида истодааст.
-Ҷавобан ба ин ғамхориҳои Пешвои миллат роҳбарият ва омӯзгорони бомасъулияту поквиҷдони шаҳри Кӯлобро мебояд дар корҳои созандагиву ободонӣ, ҳифзи моликияти давлативу ҷамъиятӣ ва тарбияи фарзандони халқ дар рӯҳияи ватандӯстӣ саҳми арзандаи хешро гузоранд, — таъкид намуд Бахтиёр Назарзода.
Дар идомаи мулоқот муовини раиси шаҳри Кӯлоб Орзу Ҳамидиён, Раиси комиссияи Маҷлиси вакилони халқи шаҳри Кӯлоб оид ба маориф, тандурустӣ, фарҳанг, илм, варзиш, сиёсати ҷавонон, зан ва оила Ҳотам Асозода, инчунин кормандони ҳифзи ҳуқуқ ҷиҳати паҳлуҳои дигари рушди соҳаи маориф ибрози андеша намуданд.
Дар фарҷом раиси шаҳри Кӯлоб Назарзода Бахтиёр барои саҳми арзанда гузоштан дар таълиму тарбияи насли наврас, омода намудани шогирдони лаёқатманд, хониши хубу аъло, завқи баланди илму донишандӯзӣ ва иштироки фаъолона дар озмуну олимпиадаҳои фаннии ҷумҳуриявию байналмиллалӣ як қатор омӯзгорон ва хонандагони фаъоли иштирокчиёни олимпиадаҳои ҷумҳуриявиро бо сипоснома ва туҳфаҳои хотиравӣ қадрдонӣ намуд.
АКСҲО: Мақомоти иҷроияи ҳокимияти давлатии шаҳри Кӯлоб











Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд






