Дар Намоишгоҳи байналмилалии «ИНОПРОМ» дар Тошканд Тоҷикистонро 28 корхонаи саноатӣ намояндагӣ менамоянд

Апрель 23, 2022 11:10

ДУШАНБЕ, 23.04.2022 /АМИТ «Ховар»/. 25-27 апрел дар Тошканд Намоишгоҳи байналмилалии саноатии «ИНОПРОМ. Осиёи Марказӣ» баргузор мегардад. Дар намоишгоҳ ва барномаи тиҷоратӣ беш аз 700 ширкати истеҳсолӣ ва ҳайатҳои тиҷоратӣ аз Узбекистон, Русия, Тоҷикистон, Беларус, Маҷористон, Фаронса, Арманистон, Қазоқистон ва Қирғизистон иштирок менамоянд. Дар намоишгоҳи «ИНОПРОМ. Осиёи Марказӣ» Тоҷикистонро 28 корхонаи саноатӣ намояндагӣ мекунанд. Ҳайати Тоҷикистонро Вазири саноат ва технологияҳои нави Ҷумҳурии Тоҷикистон Шералӣ Кабир раҳбарӣ менамояд. Дар ин бора ба АМИТ «Ховар» аз Вазорати саноат ва технологияҳои нави Ҷумҳурии Тоҷикистон иттилоъ доданд.

Зарфият ва иқтидори саноатии Тоҷикистонро дар намоишгоҳи «ИНОПРОМ.Осиёи Марказӣ» корхонаю ширкатҳои бузург ва бонуфузи саноатӣ, назири «ТALCO», «Хуаксин семент», «Зиркон», «Фон Яғноб», «Ғалла», «Рухом», «Асрори санг», «Вахдат текстайлз», «Ҷунтай Данғара Синсилу», «Сифат саноат», «Атласи Хуҷанд», «Қолинҳои Қайроққум», ҶСК «Гулистон», «Амирӣ», «Оби зулол», «Сиёма», «Фасонак», «Ҷавонӣ», «Пиллаи Тоҷик», «Лаъл», «Акия Авесто», «Норд Азия Металл», «Зарри Суғд» ва ғайра муаррифӣ менамоянд.

Қисматҳои асосии намоишгоҳ аз бахшҳои металлургия ва масолех, автоматикунонии саноат, мошинсозӣ ва истеҳсоли қисмҳои комплектӣ, ҷузъҳо ва ғайраҳо иборат мебошанд.

Тавре ба хабарнигори АМИТ «Ховар» иттилоъ доданд, ифтитоҳи намоишгоҳ бо баргузории ҷаласаи асосии «Осиёи Марказӣ: фазои пешрафти технологӣ» бо иштироки муовини Сарвазир – вазири сармоягузорӣ ва савдои хориҷии Узбекистон Сардор Умурзоқов, Вазири саноат ва савдои Русия Денис Мантуров, вазири саноати Беларус Петр Пархомчик, Вазири саноат ва технологияҳои нави Тоҷикистон Шералӣ Кабир, вазири иқтисоди Арманистон Ваган Керобян ифтитоҳ меёбад. Барномаи тиҷоратии намоишгоҳ беш аз 20 ҷаласаҳои махсусро оид ба муҳимтарин мавзӯъҳои саноатӣ фаро мегирад:

  • ҳамкории байналмилалӣ дар Осиёи Марказӣ: маҳсулот ва технологияҳои нав;
    муҳити мусоиди шаҳр: технологияҳое, ки ҳаёти моро тағйир медиҳанд;
  • роҳҳои татбиқи лоиҳаҳои Русияву Узбекистон дар соҳаи саноати сабук. Муҳандисӣ. Ҳамкорӣ;
  • ҳамкорӣ дар саноат: рақамикунонӣ, автоматикунонӣ ва технологияҳои пешрафта;
  • шарикии Русия ва Узбекистон дар соҳаи дорусозӣ ва саноати тиббӣ.

Инчунин дар доираи лоиҳаи махсуси «Донишгоҳи ИННОПРОМ» барои мутахассисони ҷавон ва донишҷӯён маърӯзаҳо гузаронида мешаванд. Роҳбарони корхонаҳои бузурги саноатии Русия, инчунин ректорони донишгоҳҳои Русия доир ба роҳҳои идора намудани истеҳсолоти муосир пешниҳодҳо менамоянд.

Марзия САИДЗОДА,
АМИТ «Ховар»

АКС аз манбаъҳои боз

Апрель 23, 2022 11:10

Хабарҳои дигари ин бахш

Тоҷикистон ва Арабистони Саудӣ ҳамкориро дар соҳаи сайёҳӣ таҳким мебахшанд
Дар шаҳри Ҳисор корхонаи саноатии истеҳсоли бомпӯшҳои азбестӣ мавриди истифода қарор гирифт
Муовини Сарвазири мамлакат Сулаймон Зиёзода бо ҳолати корҳои кишоварзии ноҳияи Шуғнон шинос шуд
Масъалаи дурнамои ҳамкории миёнамуҳлат миёни Тоҷикистон ва Бонки АвруОсиёи Рушд баррасӣ гардид
ТИБҚИ СУПОРИШИ ПРЕЗИДЕНТ. Гурӯҳи кории Вазорати кишоварзӣ дар сафари корӣ дар ВМКБ қарор дорад
Имсол вилояти Суғд дар майдони беш аз 30 ҳазор гектар кишти такрорӣ мегузаронад
«Бонки Эсхата» додани қарзро то 100 000 сомонӣ аз сар гирифт
«Саноатсодиротбонк» дар ду сол ба соҳаҳои иқтисодиёти Тоҷикистон 224 млн сомонӣ қарз ҷудо намуд
Боз як кишвари дигар хостори харидории неруи барқ аз Тоҷикистон гардид
Иқтидори сайёҳии Тоҷикистон дар «Seoul International Travel Fair 2022» муаррифӣ шуд
Дар Намоишгоҳи байналмилалии «Тоҷикистон-2022» беш аз 70 корхонаи дохиливу хориҷӣ маҳсулоти худро манзур намуданд
ТИБҚИ СУПОРИШИ ПРЕЗИДЕНТ. Таҷдиди роҳи мошингарди Қалъаи Хумб то дарвозаи Рӯшон расман оғоз гардид