Дар нишасти гурӯҳи кории Осиёи Марказӣ стандартҳои сифат ва навъи маҳсулот баррасӣ шуданд
ДУШАНБЕ, 20.04.2022 /АМИТ «Ховар»/. 18-19 апрел дар шаҳри Тошканди Ҷумҳурии Узбекистон нишасти 6-уми Гурӯҳи кории Осиёи Марказӣ оид ба содироти маҳсулоти кишоварзӣ баргузор гардид, хабар доданд ба АМИТ «Ховар» дар Вазорати рушди иқтисод ва савдои Ҷумҳурии Тоҷикистон.
Дар нишасти 6-уми гурӯҳи корӣ ҷонибҳо масъалаҳои стандартҳои сифат ва навъи маҳсулот, истифодаи иттилооти савдо ва бозор барои пешбурди содирот, татбиқи стандарти байналмилалии Global G.A.P. ва дигар стандартҳои соҳавӣ миёни истеҳсолкунандагон, коркардкунандагон, содиркунандагон ва ҷорӣ намудани стандартҳои бехатарии озуқавориро баррасӣ намуданд.
Ҷонибҳо барои пешбурди содироти маҳсулоти кишоварзӣ нақшаҳои гурӯҳи кории техникии Осиёи Марказӣ барои солҳои 2022-2023 ва лоиҳаи якчанд маводи тафсирӣ, стандартҳо ва методологияи пешниҳоди онро мувофиқа карданд.
Нишасти гурӯҳи корӣ бо мақсади баррасии нақшаҳои ҳамкории минбаъда ва таҳияи мавқеи мувофиқашуда оид ба лоиҳаҳои амалишаванда дар самти содироти маҳсулоти кишоварзии Осиёи Марказӣ ҳар сол баргузор мегардад.
Ёдовар мешавем, ки дар нишасти мазкур ҳайати Ҷумҳурии Тоҷикистон иборат аз муовини Вазири рушди иқтисод ва савдо Абдураҳмон Абдураҳмонзода, муовини директори Агентии стандартизатсия, метрология, сертификатсия ва нозироти савдо Ситора Шерзода, муовини директори Агентии содирот Баҳодур Раҳимзода, намояндаи Вазорати кишоварзӣ, инчунин намояндагони бахши хусусӣ иштирок намуд.
АКС: Вазорати рушди иқтисод ва савдои ҶТ
РУШДИ ПАРАНДАПАРВАРӢ. Дар Зафаробод сохтмони фабрикаи мурғпарварӣ идома дорад
МАСЛИҲАТИ МУТАХАССИС. Истеъмоли зардолу фаъолияти зеҳнӣ ва хотираро беҳтар мекунад
ИСТИФОДАИ САМАРАНОКИ ЗАМИН. Сокини ноҳияи Панҷ дар 2 гектар гармхонаҳои доимӣ бунёд намудааст
Дар Душанбе дурнамои тақвияти ҳамкории Тоҷикистон бо БАТР баррасӣ гардид
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
Тоҷикистон лоиҳаи бунёди корхонаи коркарди партовҳои сахти маишӣ ва истеҳсоли неруи барқро аз ҳисоби партовҳо амалӣ менамояд
