Дар шаҳри Бохтар ярмарка-фурӯши маҳсулоти мавриди ниёзи аввал бо нархҳои нисбатан арзон фаъолият дорад
ДУШАНБЕ, 26.04.2022 /АМИТ «Ховар»/. Шурӯъ аз 23 апрел дар назди Театри мусиқӣ-мазҳакавии ба номи Ато Муҳаммадҷонови шаҳри Бохтар ярмарка-фурӯши маҳсулоти мавриди ниёзи аввал бо нархҳои нисбатан арзон фаъолият дорад, ки то 1 май идома меёбад, иттилоъ доданд ба АМИТ «Ховар» дар шуъбаи иттилоот ва таҳлилии дастгоҳи раиси вилояти Хатлон.
Дар ярмаркаи мазкур нархи маҳсулоти мавриди ниёзи аввал назар ба бозор нисбатан арзонтар аст. Масалан, орд бо нархи 260-290 сомонӣ, 1 литр равған 24 сомонӣ, 1 кг гӯшт 58 сомонӣ, як қуттӣ тухм 25-27 сомонӣ, 1 кг макарон 7-10 сомонӣ, меваҷот ва дигар маҳсулоти хоҷагии қишлоқ низ бо нархи арзонтар пешкаши харидорони шаҳр гардидаанд.
Ярмарка-фурӯши мазкур дар асоси дастуру ҳидоятҳои Сарвари давлат бо мақсади танзими нархи маҳсулоти мавриди ниёзи аввал дар бозорҳои истеъмолӣ, пешгирии болоравии нархҳо дар моҳи шарифи Рамазон бо ташаббуси мақомоти иҷроияи ҳокимияти давлатии виялоти Хатлон доир гардидааст.
Ба гуфти сокини шаҳри Бохтар Маҳмадшо Шаробов, «дар арафаи моҳи мубораки Рамазон ташкил намудани чунин ярмаркаҳо баманфиат хоҳад буд. Ҳоло мо бо нархҳои нисбатан арзон маҳсулоти хӯрокворӣ мехарем. Дар бозор нархи маҳсулот каме қиматтар аст. Инҷо метавонед ҳам бо нархи дастрас харидорӣ кунеду ҳам соҳиби маҳсулоти хушсифат шавед. Хуб мешуд чунин ярмаркаҳо зиёдтар доир карда шаванд, то мардум бо нархи нисбатан арзон маҳсулоти зарурии худро дастрас намояд».
АКС: шуъбаи иттилоот ва таҳлилии дастгоҳи раиси вилояти Хатлон
Дар Вашингтон дурнамои ҳамкории Тоҷикистон бо Хазинаи Байналмилалии Асъор баррасӣ шуд
Минтақаҳои озоди иқтисодии Тоҷикистон соли 2023 ба маблағи беш аз 445 миллион сомонӣ маҳсулот истеҳсол намуданд
Раиси Бонки миллии Тоҷикистон бо намояндагони ширкатҳои «Moody’s Investors Service» ва «De La Rue» масъалаи ҳамкориро баррасӣ намуд
Дурнамои макроиқтисодӣ бо назардошти номуайяниҳо дар бозори молиявӣ дар форуми Вашингтон баррасӣ гардид
Имрӯз дар Душанбе Форуми байналмилалии ихтироъкорон ва навоварон баргузор мешавад
РОҲ БА УҚЁНУСИ ҲИНД. Дар Теҳрон ҳайатҳои Тоҷикистон ва Эрон оид ба истифодаи бандари «Чобаҳор» гуфтушунид анҷом доданд
Кишоварзони шаҳри Турсунзода зиёда аз 370 тонна маҳсулоти барвақтии гармхонаҳоро ба аҳолӣ пешниҳод намуданд
Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
Тоҷикистон ва Фаронса ҳамкории саноатиро тақвият медиҳанд
Соҳибкорони Тоҷикистон ва Италия ба маблағи зиёда аз 160 миллион доллари амрикоӣ санадҳои дуҷонибаи ҳамкорӣ ба имзо расониданд
«ТОҶИКИСТОН-2024». Дар Душанбе аз 3 то 5 май Намоишгоҳи байналмилалии универсалӣ баргузор мегардад
Байни Тоҷикистон ва Италия дар соҳаҳои ҳамлу нақли байналмилалии автомобилӣ ва саноату технологияҳои нав созишномаҳо ба имзо расиданд
