Дар Вазорати меҳнат, муҳоҷират ва шуғли аҳолӣ «Стратегияи муқовимат ба экстремизм ва терроризм дар Ҷумҳурии Тоҷикистон»-ро тавзеҳ доданд
ДУШАНБЕ, 09.04.2022 /АМИТ «Ховар»/. 8 апрел дар Вазорати меҳнат, муҳоҷират ва шуғли аҳолии Ҷумҳурии Тоҷикистон бо мақсади пешгирӣ, мубориза ва тақвият бахшидани донишҳои сиёсиву ҳуқуқии кормандони соҳаи меҳнат, муҳоҷират ва шуғли аҳолӣ вобаста ба террозиму экстремизм оид ба шарҳи Қонуни Ҷумҳурии Тоҷикистон «Дар бораи мубориза бар зидди терроризм», Қонуни Ҷумҳурии Тоҷикистон «Дар бораи муқовимат ба экстремизм» ва «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025» ҳамоиш доир гардид, иттилоъ доданд ба АМИТ «Ховар» дар вазорати мазкур.
Дар ҳамоиш роҳбарият, кормандони сохторҳои таркибии вазорат, инчунин сардори Раёсати омӯзиши масъалаҳои амнияти минтақавӣ Комрон Ҳидоятзода ва муовини сардори Раёсати Маркази тадқиқоти стратегияи назди Президенти Ҷумҳурии Тоҷикистон Исроил Баротов иштирок намуданд.
Комрон Ҳидоятзода зикр кард, ки ҷиҳати пешгирии гаравиши ҷавонон ва дигар сокинони мамлакат ба ҳизбу ҳаракатҳои экстремистиву террористӣ, таъмини амнияти шахсии ҳар шаҳрванд, мубориза бо терроризму экстремизм, қочоқи ғайриқонунии маводи мухаддир ва яроқ, ки ба амнияти милливу ҷамъиятӣ хатари бениҳоят азим доранд, Ҷумҳурии Тоҷикистон якчанд ҳуҷҷати муҳим қабул намудааст.
«Ҷумҳурии Тоҷикистон аввалин кишваре дар Осиёи Миёна мебошад, ки Стратегияи миллии муқовимат ба экстремизм ва терроризм барои солҳои 2016-2020 қабул намуд. Баъдан таҳдиду хатарҳо ба амнияти миллӣ ва минтақа аз фаъолияти ташкилот ва ҳаракатҳои ифротгарою террористӣ коҳиш наёфта, баръакс миқёсан ва сифатан афзоиш ёфтанд. Ин буд, ки 1 июни соли 2021 барои давраи то соли 2025 Стратегияи муқовимат ба экстремизм ва терроризм дар Ҷумҳурии Тоҷикистон қабул гардид»,-гуфт мавсуф.
Мақсадии асосии қабул намудани стратегияи мазкур- ҳифзи асосҳои сохтори конститутсионии Ҷумҳурии Тоҷикистон, амнияти ҷамъиятӣ ва ҳуқуқу озодиҳои инсон ва шаҳрванд аз таҳдидҳои экстремистӣ ва террористӣ, пешгирӣ кардани шомилшавии сокинони мамлакат ба ҳизбу ҳаракатҳои ифротиву террористӣ, роҳ надодан ба қурбонсозии ҷавонони кишвар барои манфиатҳои неруҳои беруна мебошад.
Дар ҳамоиш таъкид гардид, ки стратегияи мазкур ҳамчун ҳуҷҷати муҳими танзимкунандаи соҳа самтҳои асосии сиёсати дохилӣ ва хориҷии Тоҷикистонро дар самти пешгирии таҳдиду хатарҳои аз фаъолияти гурӯҳҳои тундгаро бароянда муайян менамояд.
Дар фарҷоми ҳамоиш миёни кормандони вазорат ва намояндагони Маркази тадқиқоти стратегияи назди Президенти Ҷумҳурии Тоҷикистон мубодилаи афкор сурат гирифт.
АКСҲО: Вазорати меҳнат, муҳоҷират ва шуғли аҳолии ҶТ
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
