Дар Вазорати рушди иқтисод ва савдо «Барномаи кишварии ЮНИСЕФ барои солҳои 2023-2026» муаррифӣ шуд
ДУШАНБЕ, 08.04.2022 /АМИТ «Ховар»/. Таҳти раёсати муовини якуми Вазири рушди иқтисод ва савдои Тоҷикистон Ашурбой Солеҳзода ва Роҳбари Намояндагии ЮНИСЕФ дар Тоҷикистон Осама Маккавӣ дар Вазорати рушди иқтисод ва савдо ҷаласаи Кумитаи роҳбарикунанда ҷиҳати баррасии «Барномаи кишварии ЮНИСЕФ барои солҳои 2023-2026» баргузор гардид, хабар доданд ба АМИТ «Ховар» дар Вазорати рушди иқтисод ва савдо.
Дар ҷаласа лоиҳаи «Барномаи кишварии ЮНИСЕФ барои солҳои 2023-2026» муаррифӣ гардида, нақшаҳои минбаъда ҷиҳати мувофиқа ва баимзорасонӣ муайян карда шуданд. Зикр гардид, ки лоиҳаи барномаи мазкур дар доираи вазорату идораҳо, ташкилоти ҷамъиятӣ ва созмонҳои байналмилалии муқими кишвар баррасӣ гардида, афзалияти он бо афзалияти Ҳукумати Ҷумҳурии Тоҷикистон мувофиқ карда шуданд.
Барномаи кишварӣ бо «Стратегияи миллии рушд барои давраи то соли 2030 ва Барномаи миёнамуҳлати рушд барои солҳои 2021-2025», инчунин бо «Созишномаи чаҳорчӯбаи СММ барои солҳои 2023-2026» ҳамоҳанг карда шудааст. Он ба амалисозӣ оид ба татбиқи Конвенсия дар бораи ҳуқуқҳои кӯдак, Конвенсия оид ба барҳам додани ҳама гуна шаклҳои табъиз нисбат ба занон ва Конвенсия дар бораи ҳуқуқҳои маъюбон, ҳамзамон дастгирии ноил шудан ба Ҳадафҳои рушди устувор мусоидат менамояд.
АКС: Вазорати рушди иқтисод ва савдои ҶТ
Дар ноҳияи Хуросон ҷамъоварии пахта идома дорад
Эъломияи Сеул ҳамкории давлатҳои Осиёи Марказӣ ва Кореяро дар соҳаи зеҳни сунъӣ тақвият медиҳад
Байни Бонки миллии Тоҷикистон ва Воҳиди кашшофии молиявии Ҷумҳурии Корея санади ҳамкорӣ ба имзо расид
Дар Душанбе ҷаласаи навбатии роҳбарони мақомоти зиддиинҳисории давлатҳои аъзои СҲШ доир гардид
Содироти молу маҳсулот аз Тоҷикистон ба Корея баррасӣ гардид
Ҷаласаи 25-уми вазирони масъули фаъолияти иқтисод ва савдои хориҷии Созмони ҳамкории Шанхай доир шуд
Дар хоҷагиҳои шаҳри Турсунзода ҷамъоварии ҳосили пахта оғоз гардид
Бо имзои санади ҳамкорӣ Тоҷикистон ва Корея ҳамкориро дар соҳаи роҳи оҳан таҳким мебахшанд
Ҳамкории Тоҷикистон бо Бонки аврупоии таҷдид ва рушд баррасӣ шуд
Ёддошти тафоҳум оид ба ҳамкорӣ дар самти муқовимат ба коррупсия байни Тоҷикистон ва Корея ба имзо расид
Ҳайати Тоҷикистон дар Конфронси СҲШ таҷрибаи истифодаи самараноки захираҳои минералиро муаррифӣ менамояд
Байни Тоҷикистон ва Корея Ёддошти тафоҳум дар соҳаи моликияти зеҳнӣ ба имзо расид
