Форумҳои сармоягузорию тиҷоратии Тоҷикистон ва Туркия давоми соли равон баргузор карда мешаванд
ДУШАНБЕ, 19.04.2022 /АМИТ «Ховар»/. 18 апрел вохӯрии Сафири Ҷумҳурии Тоҷикистон дар Туркия Ашрафҷон Гулов дар Донишгоҳи иқтисод ва технологияи TOBB бо Президенти Иттиҳодияи палатаҳои тиҷоратию саноатӣ ва биржаҳои молии Туркия (TOBB) Рифат Ҳисарҷиклиоглу баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни вохӯрӣ ҷонибҳо вазъи кунунии ҳамкории тиҷоратию иқтисодӣ байни ду кишвар, аз ҷумла гардиши савдо, раванди ҷалби сармояи мустақими туркӣ ба Тоҷикистон, иқдомҳои Ҳукумати Ҷумҳурии Тоҷикистон вобаста ба Солҳои рушди саноат эълон гардидани солҳои 2022–2026, дар таҳрири нав қабул гардидани Кодекси андози Тоҷикистон, ҷорӣ гардидани низоми бидуни раводид барои шаҳрвандони Туркия ва афзоиши шумораи хатсайрҳои миёни шаҳрҳои ду кишварро мавриди муҳокима қарор доданд.
Ҷонибҳо ба мувофиқа расиданд, ки дар самти мубодилаи таҷриба вобаста ба рушди институтсионалӣ ва ташаккули инфрасохтори муосири соҳибкорӣ, бахусус баланд бардоштани иқтидори ассотсиатсияву палатаҳои тиҷоратии Тоҷикистон давраҳои омӯзишӣ ташкил намоянд. Инчунин ҷиҳати рушди ҳамкорӣ миёни бахши хусусии ду кишвар бо мусоидати ҷонибҳо давоми соли равон форумҳои сармоягузорию тиҷоратӣ ташкил карда мешаванд.
АКС: ВКХ ҶТ
1050-солагии Робияи Балхӣ ба Феҳристи бузургдоштҳои ЮНЕСКО ворид гардид
Бо ташаббуси Тоҷикистон қатъномаи «Устувонии Куруши бузург» дар иҷлоси 43-юми Конфронси генералии ЮНЕСКО қабул гардид
Дар Вашингтон муносибатҳои дуҷониба ва бисёрҷонибаи Тоҷикистон ва ИМА баррасӣ гардиданд
Рӯзи Конститутсияи Ҷумҳурии Тоҷикистон дар Туркманистон таҷлил гардид
Сироҷиддин Муҳриддин бо Ҷон Поммершейм мулоқот намуд
Дар Абу Забӣ ҳамкории академияҳои Тоҷикистон ва Амороти Муттаҳидаи Араб баррасӣ гардид
Тоҷикистон ва Баҳрайн ҳамкории муассисаҳои таълимии дипломатиро баррасӣ карданд
Дар Манама машваратҳои сиёсӣ байни вазоратҳои корҳои хориҷии Тоҷикистон ва Баҳрайн баргузор гардид
Намояндаи Тоҷикистон дар Муколамаи Манама иштирок намуд
Вазирони корҳои хориҷии Тоҷикистону Узбекистон мулоқот намуданд
Вазорати корҳои хориҷии Тоҷикистон аз шомил шудани бархе аз бонкҳои кишвар ба феҳристи таҳримҳои Иттиҳоди Аврупо изҳори нигаронӣ намуд
Сироҷиддин Муҳриддин бо Одрӣ Азуле масъалаҳои густариши ҳамкории Тоҷикистон ва ЮНЕСКО-ро баррасӣ намуданд
