Лоиҳаи нави Қонун «Дар бораи Палатаи ҳисоби Ҷумҳурии Тоҷикистон» рӯнамоӣ гардид
ДУШАНБЕ, 08.04.2022 /АМИТ «Ховар»/. Имрӯз дар Палатаи ҳисоби мамлакат ҷиҳати рӯнамоии лоиҳаи нави Қонун «Дар бораи Палатаи ҳисоби Ҷумҳурии Тоҷикистон» бо иштироки намояндагони вазорату идораҳои дахлдор машварат баргузор шуд, хабар доданд ба АМИТ «Ховар» дар ниҳоди мазкур.
Муовини Раиси Палатаи ҳисоб Файзалӣ Аҳмадзода дар мавриди мақсад ва вазифаҳои палатаи мазкур зикр намуд, ки Палатаи ҳисоби Ҷумҳурии Тоҷикистон пас аз таъсис дар таҳияи санаду меъёрҳои ҳуқуқӣ, дастурамалҳо, Кодекси одоби кормандони он ба дастовардҳои муайян ноил гардидааст.
Роҳбари дастгоҳи иҷроияи Палатаи ҳисоб Зиёмидин Шаробидинзода таҳрири нави Қонуни Палатаи ҳисобро муаррифӣ намуд.
Дар машварат миёни иштирокчиён дар мавзӯи баррасишаванда мубодилаи афкор сурат гирифта, таъкид шуд, ки хулосаҳо бо вазорату идораҳои дахлдор мувофиқа карда мешаванд.
АКС: Палатаи ҳисоби Ҷумҳурии Тоҷикистон
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
