МУҲЛАТИ ҚАБУЛИ ДОВТАЛАБОН БИНОБАР ЗИЁД БУДАНИ ТЕЪДОДИ ОНҲО ТАМДИД ГАРДИД. Хатмкунандагони муассисаҳои таълимӣ бештар кадом ихтисосҳоро интихоб менамоянд?
ДУШАНБЕ, 29.04.2022. /АМИТ «Ховар»/. Дар Тоҷикистон бинобар зиёд будани хоҳишмандон ва тибқи дархосту муроҷиатҳои шаҳрвандон муҳлати бақайдгирӣ дар муассисаҳои таълимии таҳсилоти миёнаву олии касбӣ то 30 апрел тамдид карда шуд. Дар ин бора ба АМИТ «Ховар» Ёвари директори Маркази миллии тестии назди Президенти Ҷумҳурии Тоҷикистон хабар дод.
Ба гуфтаи ӯ, то рӯзи 25 апрел 89 ҳазору 610 нафар хатмкунандагони муассисаҳои таҳсилоти миёнаи умумӣ ва касбии кишвар барои ширкат дар имтиҳонҳои марказонидашудаи дохилшавӣ (ИМД) ҳуҷҷат супоридаанд.
ДАР АКС: ёвари директори ММТ А. Шодиниё
Яке аз ихтисосҳои машҳури имрӯза «Эпидемиология, гигиена ва нигоҳдории тандурустии ҷамъиятӣ»-и Донишгоҳи давлатии тиббии Тоҷикистон ба номи Абӯалӣ ибни Сино мебошад. Барои як ҷой дар ин ихтисос 533 нафар довталабон ҳуҷҷат супоридаанд. Махсусан шуъбаи рузона, шакли ройгони таҳсил маъмул аст, таъкид кард Абдулбосит Шодиниё.
Дар ҷои дуюм ихтисоси «Андоз ва андозбандӣ» ва дар ҷои сеюм «Санҷиши судӣ» қарор доранд. Аз рӯйи онҳо дар 1 ҷойи нақшавӣ мутаносибан 370 ва 348 нафар ҳуҷҷат супоридаанд.
Ба довталабон дар яке аз 5 кластер то 12 ихтисос пешниҳод карда мешавад.
Ёвари директори ММТ Абдулбосит Шодиниё ба шахсони хоҳишманди иштирок дар ИМД-2022 тавсия медиҳад, ки пешакӣ бо ихтисосҳо шинос шаванд ва тасмим гиранд, зеро ин ба имкони дохил шудан ба муассисаи таълимии муайян таъсир мерасонад. Он гоҳ ҳуҷҷатҳои барои бақайдгирӣ заруриро бо рӯйхати комбинатсияҳои ихтисосҳои интихоб кардаашон пешакӣ омода намуда, баъдан дар нуқтаҳои бақайдгирӣ ҳозир шаванд.
Барои ин онҳо метавонанд аз хизматрасонии «Пешномнависӣ», ки дар сомонаи Марказ дастрас аст, истифода намоянд, ки ба сарфаи вақти ҳам довталабон ва ҳам кормандони марказ мусоидат мекунад.
Дар худи ҳамон сомона онҳо метавонанд омори раванди бақайдгириро пайгирӣ кунанд, инчунин дар ҳолати зарурӣ интихоби ихтисосро тағйир диҳанд.
Ёдовар мешавем, ки имтиҳонҳои дохилшавӣ ба донишгоҳҳо моҳи июл оғоз мешаванд. Хатмкунандагони мактабҳо метавонанд имтиҳонро дар хамаи нуқтаҳои муайянгардидаи шаҳру вилоятҳои ҷумҳурӣ супоранд. Маълум аст, ки барои тасдиқи шахсияти довталабони имтиҳонҳо ташхиси изи ангушт гузаронида мешавад.
Зарангези ЛАТИФ,
АМИТ «Ховар»
АКС: Тоҳир Саид/АМИТ «Ховар»
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
