Муовини Сарвазир Матлубахон Сатториён бо фаъолияти Муассисаи таҳсилоти иловагии шаҳри Бӯстон шинос шуд
ДУШАНБЕ, 06.04.2022. /АМИТ «Ховар»/. 5 апрел дар доираи сафари корӣ ба шаҳру навоҳии вилояти Суғд муовини Сарвазири мамлакат Матлубахон Сатториён бо гурӯҳи кории Ҳукумати Ҷумҳурии Тоҷикистон бо мақсади шиносоӣ аз сатҳу сифати таълим, касбомӯзии наврасон, ҷараёни корҳои созандагию ободонӣ бахшида ба таҷлили ҷашни 35-солагии Истиқлоли Ҷумҳурии Тоҷикистон ба шаҳри Бӯстон омаданд, хабар дод ба АМИТ «Ховар» масъули бахши матбуоти мақомоти иҷроияи ҳокимияти давлатии шаҳри Бӯстон Муҳаммад Шораҳимзода.
Матлубахон Сатториён ва ҳайати ҳамроҳонаш нахуст бо ҷараёни касбомӯзии хонандагони Муассисаи таҳсилоти иловаии шуъбаи маорифи шаҳри Бӯстон аз наздик шинос шуданд. Иттилоъ дода шуд, ки дар муассисаи мазкур 12 номгӯи маҳфилҳо амал намуда, ба 368 нафар хонандагон забонҳои русию англисӣ, касбҳои бурандагӣ-дӯзандагӣ, бофандагӣ, рассомӣ, рӯзғордорӣ, шоҳмот, юрмадӯзӣ, сӯзанидӯзии дастӣ, авиомоделӣ, адрасбофӣ ва қолинбофӣ омӯзонида мешаванд.
Зимни суҳбат Матлубахон Сатториён аз омӯзгорону аъзои маҳфилҳо — ҳунаромӯзон даъват ба амал овард, ки бо азхудкунии донишҳои замонавӣ метавонанд дар озмунҳои ҷумҳуриявии «Илм-фурӯғи маърифат», «Фурӯғи субҳи доноӣ китоб аст» ва «Тоҷикистон-Ватани азизи ман» иштирок варзида, соҳиби маблағҳои калони пулӣ ва дигар имтиёзҳо гарданд.
«Кӯшиш намоед, вақти пурқимати худро сарфи аз худ намудани дониш ва омӯзиши касбу ҳунар намоед, чунки дар оянда тавонед бо меҳнати шоиста ба нафъи халқу Ватан хизмат намоед. Танҳо шахси донишманду ҳунарманд метавонад барои ҷомеа хизмати арзанда намояд», — таъкид намуд Матлубахон Сатториён.
Мавсуф инчунин ба масъулини муассиса ҷиҳати вусъати корҳои ободониву созандагӣ ва сарсабзу гулпӯш намудани гирду атрофи биноҳо дастуру супоришҳои мушаххас дод.
Аксҳо: Мақомоти иҷроияи ҳокимияти давлатии шаҳри Бӯстон
ИСТИҚЛОЛИЯТ ВА РУШДИ МАОРИФ. Давоми 26 сол дар ноҳияи Восеъ 16 муассисаи нав бунёд карда шуд
Дар Хатлон 37 хатмкунанда соҳиби аттестати аълои универсалӣ ва равиявӣ гардид
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
