Муовини Сарвазири Тоҷикистон бо вазъи соҳаи кишоварзии ноҳияҳои Носири Хисрав, Қубодиён ва Шаҳритус шинос шуд
ДУШАНБЕ, 25.04.2022 /АМИТ «Ховар»/. 23 апрел баҳри иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон муовини Сарвазири Ҷумҳурии Тоҷикистон Сулаймон Зиёзода ҳамроҳ бо Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода ва директори Агентии беҳдошти замин ва обёрии назди Ҳукумати Ҷумҳурии Тоҷикистон Холмурод Раҳмон ҷиҳати оқилонаву самаранок истифода намудани замин, баланд бардоштани ҳосилнокии зироати кишоварзӣ ва аз ҳар қитъа гирифтани се-чор ҳосил аз ноҳияҳои Носири Хисрав, Қубодиён ва Шаҳритуси вилояти Хатлон боздид ба амал оварданд. Дар ин бора ба АМИТ «Ховар» дар Кумитаи давлатии идораи замин ва геодезӣ хабар доданд.
Зимни шиносоӣ бо вазъи соҳаи кишоварзии ноҳияҳои мазкур барои истифодаи самараноки ҳар қитъа замин, интихоби навъҳои ҳосилхезу минтақабоби тухмиҳо, сари вақт гузаронидани коркарди агротехникии майдонҳои кишт, ҳамкории доимӣ бо кишоварзон ҷиҳати баланд бардоштани ҳосилнокии заминҳо ба масъулин дастурҳои зарурӣ ва ба деҳқонон тавсияҳо дода шуданд.
Дар ҷараёни боздид аз фаъолияти пойгоҳҳои обкашӣ муовини Сарвазири ҷумҳурӣ Сулаймон Зиёзода роҳбарияти ноҳияҳо ва масъулини соҳаҳои дахлдорро вазифадор намуд, ки ҷиҳати таъмиру тармими босифати насосҳои обкашӣ ва бартараф намудани камбудиҳои ҷойдошта тадбирҳои қатъӣ андешанд.
Ба роҳбарони вазорату идораҳои дахлдори ҷумҳурӣ ва раисони ноҳияҳо супориш дода шуд, ки барои амалӣ намудани тадбирҳои зарурӣ ҷиҳати ба гардиши кишоварзӣ ворид намудани заминҳои холимонда ва партови дар ҳудуди ин ноҳияҳо мавҷуда тадбирҳои зарурӣ роҳандозӣ намоянд.
Дар баробари ин, ба Вазорати кишоварзӣ, Кумитаи давлатии идораи замин ва геодезӣ, Агентии беҳдошти замин ва обёрӣ барои назорати иҷрои қатъии дастуру супоришҳои Президенти Ҷумҳурии Тоҷикистон вобаста ба баланд бардоштани ҳосилнокии заминҳо, назорати истифодаи мақсадноку самараноки қитъаҳои замин ва таъмин намудани майдонҳои кишт бо оби полезӣ тибқи меъёри муайянгардида супоришҳо дода шуданд.
АКС: Кумитаи давлатии идораи замин ва геодезӣ
СОЛҲОИ РУШДИ САНОАТ. Дар Тоҷикистон ба маблағи 30,8 миллиард сомонӣ маҳсулоти саноатӣ истеҳсол гардидааст
Вилояти Суғд бо ширкати «Инсян Групп»-и Чин оид ба истеҳсоли мошинҳо ҳамкорӣ менамояд
Дар хоҷагиҳои деҳқонии «Ғуфрониён» ва «Сӯфизода»-и ноҳияи Мастчоҳ 40 фоизи пахта барои ҷамъоварӣ омода аст
Рушди иқтисоди рақамӣ нисбат ба рушди иқтисоди ҷаҳонӣ 2,5 маротиба афзоиш ёфтааст
Имсол маҷмуи умумии маҳсулоти кишоварзии ноҳияи Данғара ба 1,7 миллиард сомонӣ баробар шуд
Дар Душанбе конференсияи минтақавӣ оид ба ояндаи «сабз» дар бахши таъмини гармӣ доир гардид
«AQCA 2024». Дар Алмато Конфронси 3-юми Осиёи Марказӣ оид ба сифати ҳаво доир шуд
Дар Душанбе нахустин Форуми миллӣ оид ба рушди устувор тавассути инноватсия ва рақамишавӣ баргузор гардид
Ҳамкории Тоҷикистон ва Ҷопон дар самти беҳсозии иншооти роҳ тақвият меёбад
Намояндаи Тоҷикистон дар чорабинии канории иҷлосияи 68-уми Конфронси умумии Агентии байналмилалии неруи атомӣ маъруза намуд
Дар ҷаласаи Шурои ҳамоҳангсозии шарикони рушд масоили ҳифзи муҳити зист ва тағйирёбии иқлим баррасӣ шуд
Дар Душанбе тақвияти ҳамкорӣ дар самти маблағгузории савдо баррасӣ гардид
