Муовини Сарвазири Тоҷикистон Сулаймон Зиёзода аз гармхонаҳои ноҳияи Шаҳринав дидан намуд
ДУШАНБЕ, 07.04.2022 /АМИТ «Ховар»/. 6 апрел дар доираи сафари корӣ ба шаҳру навоҳии мамлакат муовини Сарвазири Ҷумҳурии Тоҷикистон Сулаймон Зиёзода ва намояндаи Ҳукумати Ҷумҳурии Тоҷикистон Юсуф Акрамзода ба ноҳияи Шаҳринав рафтанд, хабар доданд ба АМИТ «Ховар» дар Мақомоти иҷроияи ҳокимияти давлатии ноҳияи Шаҳринав.
Муовини Сарвазири мамлакат ва намояндаи Ҳукумати Ҷумҳурии Тоҷикистонро раиси ноҳияи Шаҳринав Ҷаббор Носирзода ҳамроҳӣ намуда, аз фаъолияти якчанд гармхонаи ноҳия дидан намуданд.
Иттилоъ дода шуд, ки дар ноҳия ҷиҳати иҷрои дастуру супоришҳои Сарвари давлат масоҳати гармхонаҳо ба 6,71 гектар расонида шуда, дар онҳо бештар помидор, бодиринг ва растаниҳои ситрусӣ парвариш карда мешаванд.
Сулаймон Зиёзода зимни мулоқот ҷиҳати зиёд намудани масоҳати гармхонаҳо, афзун намудани истеҳсоли маҳсулоти кишоварзӣ ва дастраси мардум гардонидани маҳсулоти тару тоза дар тамоми фасли сол ба кишоварзон миннатдорӣ изҳор намуда, ба масъулин дар ин ҷода маслиҳату дастурҳои судманд дод.
Ҳамчунин муовини Сарвазири ҷумҳурӣ дар маъракаи кишти пахта дар кооперативи истеҳсолии «Наврӯз» иштирок намуда, гуфт, ки вобаста ба мусоид омадани обу ҳаво дар фурсатҳои камтарин ба кишти пахта хотима бахшида, ҳамзамон ба тамоми намуди зироати кишоварзӣ, бахусус ғалладонагиҳо, полезиҳо ва ангуру меваҳо бетаъхир об монанд.
АКСҲО: Мақомоти иҷроияи ҳокимияти давлатии ноҳияи Шаҳринав
Дар ноҳияи Хуросон ҷамъоварии пахта идома дорад
Эъломияи Сеул ҳамкории давлатҳои Осиёи Марказӣ ва Кореяро дар соҳаи зеҳни сунъӣ тақвият медиҳад
Байни Бонки миллии Тоҷикистон ва Воҳиди кашшофии молиявии Ҷумҳурии Корея санади ҳамкорӣ ба имзо расид
Дар Душанбе ҷаласаи навбатии роҳбарони мақомоти зиддиинҳисории давлатҳои аъзои СҲШ доир гардид
Содироти молу маҳсулот аз Тоҷикистон ба Корея баррасӣ гардид
Ҷаласаи 25-уми вазирони масъули фаъолияти иқтисод ва савдои хориҷии Созмони ҳамкории Шанхай доир шуд
Дар хоҷагиҳои шаҳри Турсунзода ҷамъоварии ҳосили пахта оғоз гардид
Бо имзои санади ҳамкорӣ Тоҷикистон ва Корея ҳамкориро дар соҳаи роҳи оҳан таҳким мебахшанд
Ҳамкории Тоҷикистон бо Бонки аврупоии таҷдид ва рушд баррасӣ шуд
Ёддошти тафоҳум оид ба ҳамкорӣ дар самти муқовимат ба коррупсия байни Тоҷикистон ва Корея ба имзо расид
Ҳайати Тоҷикистон дар Конфронси СҲШ таҷрибаи истифодаи самараноки захираҳои минералиро муаррифӣ менамояд
Байни Тоҷикистон ва Корея Ёддошти тафоҳум дар соҳаи моликияти зеҳнӣ ба имзо расид
