Намояндагони ширкатҳои Тоҷикистон аз қароргоҳи «Airbus» ва «Euler Hermes» дар Ҳамбург дидан карданд
ДУШАНБЕ, 05.04.2022 /АМИТ «Ховар»/. Бо ибтикори Сафорати Тоҷикистон дар Олмон силсилавохӯриҳои ҳайати иқтисодии кишвар иборат аз роҳбарияти ҶСК «Ориёнбонк», ҶСК «Тавҳидбонк» ва ҶДММ «Ширкати ҳавопаймоии Сомон Эйр» бо мақсади рушд ва таҳкими ҳарчи бештари робитаҳои иқтисодиву тиҷоратӣ бо ширкатҳои бонуфузи олмонӣ доир шуд. Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар медиҳад.
Аз ҷумла, 31 март ҷиҳати имкони рушди ҳамкории мутақобилан судманд дар соҳаи нақлиёти ҳавоӣ бо Мудири кулли ширкати бонуфузи «Airbus Operations GmbH» Гуннар Грос мулоқот сурат гирифт.
Ҳайати тоҷикистонӣ дар баробари огаҳӣ ёфтан аз фаъолияти гуногунҷанбаи «Airbus Operations GmbH», ҳамчунин бо раванди корҳои истеҳсолии ҳавопаймоҳои тамғаҳои мухталифи мусофиркаши оилаи «Аэробус» шинос шуд.
Худи ҳамон рӯз вохӯрии дигар бо роҳбарияти Ҷамъияти саҳомии «Euler Hermes», аз ҷумла сардори раёсати суғуртакунӣ ва идораи хавфҳо Ян-Филипп Апкин ва мушовири калон оид ба масъалаҳои ҳамлу нақл Бертҳолд Ройтер вобаста ба тақвияти ҳамкории минбаъда анҷом дода шуд.
АКС: ВКХ ҶТ
Дар Панҷакент коргоҳи коркарди қуму шағал ва истеҳсоли бетон ба истифода дода шуд
Ҷаласаи навбатии Комиссияи байниидоравӣ оид ба таъмини бехатарии авиатсионӣ баргузор шуд
Намояндагони «Тоҷикаэронавигатсия» бо раванди таҳсили донишҷӯёни тоҷик дар Академияи давлатии авиатсияи Беларус шинос гардиданд
Дар Душанбе ҷаласаи 14-уми Комиссияи байниҳукуматии Тоҷикистон ва Чин оид ба ҳамкории тиҷоратию иқтисодӣ доир шуд
Муовини Сарвазири Тоҷикистон бо вазъи соҳаи кишоварзии шаҳри Кӯлоб шинос гардид
Ҷаласаи навбатии Шурои байнидавлатии муқовимат ба коррупсияи кишварҳои аъзои ИДМ дар Минск доир шуд
Дар Лондон масъалаҳо оид ба соҳаи энергетикаи Тоҷикистон баррасӣ гардиданд
ЗЕҲНИ СУНЪӢ ДАР АМНИЯТИ КИБЕРӢ. Андешаҳо оид ба имконот ва таъсири он ба мудофиаи киберӣ
Дар Душанбе ҷаласаҳои муштараки соҳаи алоқаи кишварҳои Иттиҳоди Давлатҳои Мустақил баргузор мегарданд
Дар мавзуи «Портали ягонаи хизматрасониҳои давлатӣ ва ҳукумати электронӣ» ҳамоиш доир шуд
Дар ноҳияи Хуросон ҷамъоварии пахта идома дорад
Эъломияи Сеул ҳамкории давлатҳои Осиёи Марказӣ ва Кореяро дар соҳаи зеҳни сунъӣ тақвият медиҳад
